Viveiro, 2 de agosto,2020. No pasado mes de agosto do ano 2019, aprobamos por unanimidade de todos os grupos políticos desta Corporación a seguinte moción a proposta de Por Viveiro, que a continuación transcribimos:
Viveiro atópase nunha situación urbanística que non pode continuar por máis tempo. O noso Concello está perdendo o tren do crecemento e a rehabilitación urbana, tren no que si que se atopan concellos do noso entorno.
No ano 2006, suspendéronse con acerto as Normas Subsidiarias de Planeamento Municipal de Viveiro, que levaban ao noso Concello a un crecemento desproporcionado e completamente desordenado. As normas realizadas no ano 1978 provocaron a situación na que nos atopamos na actualidade.
O Decreto 102/2006 coas modificacións introducidas no Decreto 89/2010 rexen na actualidade o urbanismo de Viveiro. Estas normas están configuradas de forma temporal, mentres non se aprobaba o PXOM por parte do noso Concello.
Dende a aprobación do Decreto 102/2006 pasaron nada máis e nada menos que 13 anos, tempo político, no que se realizou a aprobación inicial do PXOM o 14 de abril de 2011. Esta aprobación inicial supuxo a apertura dun período de alegacións, foron moitas as veciñas e veciños, que presentaron alegacións que a día de hoxe 8 anos despois, seguen sen resposta. A resposta ás alegacións é de obrigado cumprimento para poder chegar ao seguinte paso de aprobación provisional do PXOM, e aínda está pendente.
Durante os últimos anos, primeiro as trabas da Dirección Xeral de Patrimonio e logo as de Augas de Galicia, xunto con certo desinterese do Goberno Municipal, “retrasaron” a aprobación provisional do PXOM.
Son moitas as veciñas e veciños, que viron durante estes anos truncados os seus desexos de utilizar as súas parcelas para os usos urbanísticos habituais.
Dende a última reunión da comisión de seguimento do PXOM, ningún avance se ten informado e continuamos nunha situación de estancamento. Así mesmo os constantes retrasos na aprobación provisional supoñen un incremento do coste dos traballos do equipo redactor, que o Goberno Municipal ten que explicar para coñecemento das veciñas e veciños.
Dende POR VIVEIRO entendemos a necesidade urxente de que Viveiro conte cunha normativa de ordenación urbana acorde a este século e saír da provisionalidade. E por isto que propoñemos ao Pleno da Corporación Municipal a adopción do seguinte acordo:
1. Convocar a comisión de seguimento do PXOM durante a segunda semana de Agosto
do 2019, co obxectivo de obter toda a información sobre o estado da tramitación do
Plan.
2. Convocar a comisión de seguimento do PXOM a primeira semana de cada mes ata a
aprobación provisional co obxectivo de facer un seguimento mensual da información e
tramitación do PXOM e impulsar a súa aprobación.
3. Instar ao Goberno Municipal a traballar para aprobar provisionalmente o PXOM
durante o ano 2019.
Pasado un ano enteiro, dende a súa aprobación por unanimidade, téñense celebrado en
setembro do 2019 dúas reunións informativas, sen que ningún avance máis sexa coñecido polo
noso Grupo Municipal, a respecto dos acordos alí establecidos.
Dada a situación económica actual, e a futura crise derivada da situación de emerxencia sanitaria
na que nos atopamos, así como o futuro incerto da factoría de Alcoa, o Concello de Viveiro ten
que actuar de forma áxil na búsqueda de alternativas que sirvan para dinamizar a economía e
aporten valor engadido ao noso Concello.
Calquera alternativa en Viveiro atópase coa ausencia e paralización da normativa municipal
actualizada, que impide de facto o desenvolvemento urbano e económico do noso Concello e
ponnos no vagón de cola da comarca da Mariña en canto a urbanismo, posto que O Vicedo,
Xove, Burela ou Ribadeo, xa contan coa súa normativa actualizada.
É por isto que voltamos novamente a solicitar ao Pleno da Corporación Municipal a aprobación
do seguinte acordo, igual ao incumprido no ano 2019:
1. Convocar a comisión de seguimento do PXOM durante a segunda semana de Agosto
do 2020, co obxectivo de obter toda a información sobre o estado da tramitación do
Plan.
2. Convocar a comisión de seguimento do PXOM a primeira semana de cada mes ata a
aprobación provisional co obxectivo de facer un seguimento mensual da información e
tramitación do PXOM e impulsar a súa aprobación.
3. Instar ao Goberno Municipal a traballar para aprobar provisionalmente o PXOM
durante o ano 2020.
Por Viveiro pide o impulso da aprobación do PXOM
Relacionado
-
A conselleira subliña en Meira que a rede de oficinas rurais é “fundamental para quen vive e traballa no rural”
-
O PSdeG de Abadín denuncia que goberno local incumpre as bases do Plan Deputación ao non instalar os carteis obrigatorios nas obras financiadas
-
O PP lucense coincide co sector empresarial na necesidade de adoptar medidas en materia enerxética, da fiscalidade, da innovación e do talento para “favorecer a competitividade da provincia”
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
