Ribadeo, 3 de agosto, 2020. O pasado 17 de xullo o IES Ribadeo Dionisio Gamallo recibiu a noticia da selección como Escola Embaixadora do Parlamento Europeo para o curso 2020-2021.
O traballo desenvolvido desde fai anos desde a Coordinación de Proxectos Europeos acada así un recoñecemento máis polo seu esforzo e dedicación ao ensino, á realidade europea e á necesidade de unir países e persoas na construción dun futuro en común.
O programa ten por obxecto estimular o coñecemento de Europa e da democracia parlamentaria europea entre os xoves, proporcionándolles un coñecemento activo da Unión Europea e do Parlamento Europeo en particular. Trátase tanto de ensinar datos sobre a Unión Europea como de ofrecer a oportunidade de experimentar a cidadanía europea: o que significa a Unión na vida cotiá e o que podemos facer para lograr que, no futuro, Europa sexa como os seus cidadáns desexen.
As directrices básicas que os centros implicados deben seguir durante o curso son: manter actualizado un Punto de Información sobre o Parlamento Europeo; traballar contidos relacionados co Parlamento Europeo; levar a cabo actividades durante o curso relacionadas coa Unión Europea (conmemoracións, eventos, datas significativas); celebrar o 9 de maio, “Día de Europa”;…
De todas estas iniciativas xa hai información da web do centro, e no propio blog do departamento de Filosofía, no que se encadra esta tarefa complementaria que a tantas xeracións de Ribadeo ten acompañado por Europa. De forma resumida podemos comentar que os contidos sobre a historia europea están incluídos na materia de Historia ao longo dos diversos cursos, pero tamén aparece de forma transversal noutras materias como Valores Éticos ou Valores Democráticos Europeos, desde diferentes e actuais perspectivas. Así mesmo o IES Ribadeo oferta de forma exclusiva a optativa de Europa para o alumnado de 1º de Bacharelato, aínda que restrinxida a unha determinada modalidade de bacharelato. Tamén figura no Plan de Internacionalización do centro a oferta de programas ERASMUS+ tanto para o profesorado, como para o alumnado e para colaboración entre institucións, como xa realizamos desde o curso 2015, e cuxas experiencias están relatadas no blog de Filosofía que atoparedes na web do centro.
Noraboa pois a toda a comunidade educativa de Ribadeo porque isto sitúa ao noso centro para o curso 2020-2021 como única Escola Embaixadora de Parlamento Europeo de Lugo, unha das 6 de Galicia, e unha das 100 de toda España. Esperamos que o traballo do alumnado e a colaboración do profesorado supoña un aliciente máis para o vindeiro curso.
Manuel Yáñez Dablanca
Coordinador de Proxectos Europeos
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.