Ribadeo, 9 de agosto de 2020.- A Xunta consolida o Centro de Formación e Experimentación Agraria (CFEA) Pedro Murias de Ribadeo cun novo ciclo medio que xa ten cubertas o 80 por cento das súas prazas. Así o destacou o director da Axencia Galega da Calidade Alimentaria (Agacal), Manuel Rodríguez, que inaugurou hoxe no centro ribadense unha acción divulgativa sobre o potencial resineiro dos piñeirais da nosa comunidade.
Así, segundo explicou Rodríguez, as instalacións do Pedro Murias volverán abrir as súas portas tras sete anos pechadas. Farano da man do ciclo medio en modalidade dual de Aproveitamento e conservación do medio natural, para o que xa hai confirmados 16 alumnos, dun total de 20 prazas.
Cabe destacar que o centro ribadense retomará a actividade, ademais, constituíndo o Polo da Formación Forestal da Mariña xunto co IES San Rosendo, de Mondoñedo. Así, o instituto mindoniense complementará a oferta educativa do CFEA Pedro Murias con formación relacionada coa horta.
En concreto, o novo ciclo que se implantará en Ribadeo terá unha duración de dous anos e 2.000 horas de formación, repartidas en clases teóricas e prácticas que se desenvolverán tamén no IES de Mondoñedo e en empresas do sector. A maiores, apostará pola formación continua con técnicos de Finlandia e outros países desprazados a Galicia, así como poñendo o programa Erasmus+ no país escandinavo a disposición tanto de profesores como de alumnos. Da formación continua poderán beneficiarse así mesmo os distintos operadores do sector forestal da Mariña lucense, con cursos orientados tanto ao aproveitamento do recurso como á súa transformación.
A oferta enmárcase no compromiso da Xunta a prol da formación continua e dos certificados de profesionalidade, ao abeiro do Plan de reactivación e dinamización da Consellería do Medio Rural. O obxectivo é seguir animando aos mozos a apostar polo rural galego, favorecendo a remuda xeracional e a fixación de poboación no agro.
Deste xeito, unha vez rematada a formación, as persoas que obteñan o título de Aproveitamento e conservación do medio natural poderán exercer en empresas grandes, medianas ou pequenas, tanto públicas como privadas, dedicadas aos traballos de repoboación forestal, de restauración e ordenación hidrolóxica forestal e de aproveitamento forestal, así como de control e vixilancia do medio natural.
Potencia forestal
O director da Agacal puxo de relevo a aposta da Consellería do Medio Rural pola formación durante a inauguración dunha xornada divulgativa sobre o potencial resineiro dos piñeirais galegos, que terá lugar esta tarde no CFEA Pedro Murias. Serán catro horas repartidas en parte teórica e práctica cunha demostración sobre piñeirais da zona. Para complementar esta iniciativa, a Consellería impartirá un curso de técnicas de extracción de resina no propio centro ribadense, cunha duración de 60 horas, os días 17, 18, 19, 24 e 25 de agosto e os 7, 8, 14, 15 e 19 de setembro.
O mesmo proceso repetirase no CFEA de Monforte de Lemos, que mañá acolle a xornada sobre o potencial resineiro dos piñeirais da comunidade, mentres o curso terá lugar os 17, 18, 19, 26 e 27 de agosto e os días 9, 10, 16, 17 e 18 de setembro.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
