O Presidente da Deputación, José Tomé Roca, e a presidenta de COGAMI A Mariña, Mª Emma Camaño García, asinaron no Pazo de San Marcos un convenio de colaboración a través do que o organismo provincial contribúe a financiar os gastos derivados das actividades desta entidade

A Deputación destina 7.000€ para a rehabilitación física e emocional de persoas con capacidades diferentes. Tomé Roca puxo en valor o labor que desempeña esta organización, traballando a favor da igualdade e loitando para conseguir a plena inclusión social das persoas con diversidade funcional ou en risco de exclusión social.