NOTA DE PRENSA
APROBADA UNHA INICIATIVA SOCIALISTA PARA MELLORAR AS INFRAESTRUCTURAS NO PORTO DE MIRASOL EN RIBADEO
– O deputado do PSdeG-PSOE Ismael Rego advirte que nos últimos tempos a factoría ENCE-NAVIA manifestou a necesidade de contar con máis infraestructuras no dito porto para desenvolver as súas tarefas, basicamente de embarque de pasta de papel, debido o incremento da súa producción e por ende tamén de almacenamento
Santiago , 7 de maio de 2010. O deputado do Grupo Parlamentario do PSdeG-PSOE Ismael Rego interveu hoxe, na Comisión 8º do Parlamento, para reclamar á Xunta adoptar as medidas necesarias e realizar as xestións que sexan precisas para a mellora e a ampliación das infraestructuras e os equipamentos do peirao comercial de Mirasol en Ribadeo, incluíndo as posibilidades de mellora da accesibilidade ao recinto portuario. A iniciativa, que foi transacionada, foi aprobada por unanimidade.
O deputado socialista amosou a súa satisfacían polo acordo acadado.
Rego lembra que a factoría de pasta de papel ENCE-NAVIA utiliza dende a súa posta en marcha o porto de Ribadeo como centro de transporte marítimo para o traslado da súa producción e das materias primas que utiliza.
O deputado explica que esta situación converteu o porto de Ribadeo nun dos máis importantes dos de competencia exclusiva da nosa comunidade autónoma en canto ao volume do tráfico comercial. Relata que nos últimos anos foi necesario acometer nel distintas melloras e dotalo dos equipamentos mínimos imprescindibles para poder garantir a competitividade das súas instalacións, en concordancia coas demandas dos axentes que as utilizan para o desenvolvemento da actividade que nel realizan.
Advirte que nos últimos tempos a factoría ENCE-NAVIA manifestou a necesidade de contar con máis infraestructuras no dito porto para desenvolver as súas tarefas, basicamente de embarque de pasta de papel, debido o incremento da súa producción e por ende tamén de almacenamento. Infraestructuras e equipamentos coas que o porto non conta na actualidade e sería aconsellable dotalo delas no prazo máis breve posible dado o volume de actividade que nel se desenvolve.
Texto aprobado hoxe, por unanimidade, na Comisión 8ª do Parlamento, sobre o Porto de Mirasol en Ribadeo:
O Parlamento galego insta á Xunta de Galicia, a:
1º.- Continuar adaptando as medidas, e a realizar as xestións precisas para a mellora e ampliación das infraestructuras e equipamentos do peirao comercial de Mirasol en Ribadeo.
2º.- Demandar do Ministerio de Fomento a decisión e investimento preciso, para a dotación dun apeadeiro de carga e descarga no polígono industrial de Ribadeo co obxectivo de convertelo nunha área loxística do Porto de Mirasol.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
