RIBADEO (FNC) .- As axudas dos ARIS de Ribadeo e Rinlo, as alegacións presentadas ao Plan de Ordenación do Litoral, as obras de mellora da travesía e o regulamento de réxime interno do Hospital Asilo serán algúns dos asuntos que centrarán o pleno previsto para o vindeiro 10 de maio no Concello de Ribadeo.
Un dos asuntos que se abordarán no pleno do vindeiro luns será a aprobación das bases de axudas das áreas de rehabilitación integral do casco histórico de Ribadeo e de Rinlo. O rexedor sinala que “o que facemos con esta proposta, que en principio conta co voto favorable de todos os grupos, é modificar as bases que tiñamos ata o momento para darlle máis cabida a presupostos máis pequenos que ata agora non podían participar. Había moitas pequenas obras que non podían ter subvención e agora con esta modificación o límite váise baixar a 1.000 euros nada máis, co que será moi atractivo para que calquera cuestión menor subvencionable poida entrar. E tamén poderemos ofrecer unha maior porcentaxe económica para as grandes rehabilitacións, dado que ata o de agora moitas veces desde o Concello pedimos que se rehabiliten edificios, pero logo a capacidade para xestionar axudas por parte dos propietarios se ve bastante limitada. Cremos que nos dous aspectos esta modificación vai vir moi ben”.
Na sesión plenaria do vindeiro 10 de maio tamén se someterán a aprobación as alegacións presentadas polo Concello de Ribadeo ao Plan de Ordenación do Litoral. Suárez Barcia explica que “o que queremos é que se teña en conta o que xa temos avanzado entre todos no PXOM, que xa pasou a súa aprobación inicial e agardamos que dentro de pouco dea un paso máis coa aprobación provisional. Queremos que se recoñezan, entre outras moitas cousas, os núcleos rurais establecidos en todos os planeamentos urbanísticos a fin de que unha vez constituidos calquera actuación urbanística só dependa das autorizacións do Concello sin ter que decidir a Xunta de Galicia a maiores”. O rexedor engade que “si tanto se fala de autonomía municipal o que queremos todos os grupos é que se respecte o conseguido ata o de agora, que foi moito, cumprindo coas directrices que a Xunta foi indicando a través dos seus informes de Urbanismo, Patrimonio, Costas… Non queremos que se tire polo fregadeiro o traballo que supuxo un consenso importante entre todos”.
Irá a aprobación tamén no pleno a adxudicación da obra de mellora dos tramos urbanos da rede de estradas do Estado cuxa titularidade foi transferida ao Concello. O alcalde asegura que “uns 700.000 euros deben estar certificados no que queda deste 2010, váiselle dar un cambio importante a toda a travesía que pasa por Avenida de Galicia, Avenida de Asturias, José Vicente Pérez Martínez… é unha obra importante, moi impactante e moi complexa que leva varios meses de tramitación administrativa e agardo que no pleno do luns se proceda á súa adxudicación definitiva para poder empezar cantos antes as obras, poder cumprir coas anualidades do Ministerio de Fomento e preparar a vila de Ribadeo para un cambio sustancial en toda esa zona”.
Hospital asilo
E outro dos temas que se debatirá no Concello o vindeiro luns será a resolución de alegacións e aprobación definitiva da modificación do regulamento de réxime interno do Hospital Asilo municipal. Fernando Suárez relata que “hai uns tres meses se propuxo unha modificación por parte dunha persoa á que eu lle tiña moita estima, que era José Duarte. Xa daquela dixemos que ainda estando de acordo co fondo non o estábamos coa forma e plantexamos unha alegación, pero agora a maioría da Corporación decide non estimala dando por válida a proposta que o PP fixo no seu momento e que nós advertíamos que pode ser inxusta”. O equipo de goberno cuestiona que “se dea exactamente o mesmo trato a todas as persoas que poden optar ao Hospital Asilo estean aquí toda a vida ou non leven prácticamente nada porque veñen de fora. Non queremos entrar en polémicas artificiais, pero a realidade é que nos quedan moi poucas prazas vacantes no asilo e a demanda é moi importante, esto obriga ao Concello a facilitarlle o acceso sobre todo a aquelas persoas que leven máis tempo residindo en Ribadeo, porque senón pode darse a circunstancia de que alguén vindo de fora teña máis dereito que os de aquí. Nós pedíamos que alguén que quixese acceder a este centro levase aquí polo menos 10 anos, pero si a Corporación estima darlle o mesmo trato a uns que a outros sen máis rigor que así sexa, espero que eso non dea lugar a polémicas. A nosa alegación lamentablemente para nós non prosperou”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
