Viveiro, 31 de agosto de 2020. A Secretaria Provincial do PSdeG-PSOE na provincia de Lugo, Patricia Otero presentou esta mañá en Viveiro unha batería de iniciativas parlamentarias para reclamar ao Goberno de Feijóo un Plan de reconstrución da Mariña, consensuado coa oposición, coas entidades locais da Comarca, así como cos axentes sociais e económicos da comarca, que conteña unha estratexia de reactivación económica.
Otero explica na súa proposta parlamentaria que esta iniciativa debe incluír ademais un Plan de industrialización para a Comarca. Xa que denuncia que “os gobernos de Núñez Feijóo non investiron nin un só euro en modernizar e impulsar medidas industriais para A Mariña, cando a propia Xunta de Galicia ten competencias plenas nesta materia como así lle outorga o Estatuto de autonomía de Galicia”.
A proposición parlamentaria socialista tamén reclama a potenciación do noso turismo: tanto interior como de costa e medidas de apoio á hostalería e restauración. Así como medidas de apoio aos sectores primarios: agricultura, gandería, pesca, forestal. E por último, axudas a autónomos e a pequenas e medianas empresas da Mariña.
Mesa de traballo urxente
A Secretaria Provincial e Deputada Autonómica explica que para poñer en marcha este Plan “é necesario que se constitúa de forma urxente unha mesa de traballo formada polo Executivo galego, os grupos parlamentarios con representación no Parlamento galego, os axentes sociais e económicos e as entidades locais da comarca da Mariña para a elaboración deste plan específico de reconstrución para a Mariña lucense, que conteña unha estratexia para a súa reactivación económica”.
Escoitar as demandas da Mariña
Otero avanza que rexistrou esta batería de iniciativas tras escoitar as demandas de todos alcaldes e voceiros socialistas e moitos colectivos da Mariña Lucense. “Esta chamada de auxilio materializouse unha vez máis, a finais de xuño deste ano, nunha multitudinaria manifestación en Burela, convocada polas centrais sindicais UXT, CCOO e CIG, na que se reclamaba un futuro para a Mariña de Lugo e se pedían melloras en infraestruturas, en servizos, en sanidade, en educación, en industria, nos sectores primarios …”, relatou.
A Mariña ten que ter unha atención especial
Así as cousas sinala que “esta crise industrial e de emprego que xa se viña vivindo na Mariña desde hai tempo, e agravouse coa crise provocada pola Covid-19, e máis se temos en conta que esta comarca sufriu ao longo do mes de xullo deste ano maiores restricións sanitarias que o resto de Galicia. Hai que lembrar que a Xunta de Galicia decretou a principios dese mes o peche dos accesos ao distrito sanitario da Mariña (por certo, medida empregada pola Xunta de Galicia unicamente para esta comarca), e posteriormente limitou esa restrición só ao concello de Burela, provocando grandes perdas económicas. Nesta situación faise necesario e urxente un plan de reconstrución propio e exclusivo desta comarca. A Xunta de Galicia non pode desatender esta comarca ante a difícil situación que está a atravesar. A Mariña lucense ten que ter unha atención especial nesta lexislatura que agora comezamos”.
Presentación
Patricia Otero estivo acompañada en Viveiro da Alcaldesa, María Loureiro; o Alcalde de Ourol, José Luís Pajón; o Alcalde de Foz, Francisco Cajoto; o Alcalde de Alfoz, Jorge Val; o Coordinador da Mariña e concelleiro en Burela; Ramiro Fernández; a Tenente de Alcalde de Barreiros; María Carmen Veiga; o Alcalde da Pontenova, Darío Campos, do senador, Cesar Mogo e do concelleiro viveirense, Jesús Fernández.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
