Viveiro, a 01 de setembro de 2020. Os concelleiros do grupo municipal do PP de Viveiro mantiveron sendas reunións, na sede local do partido, con asociacións para explicar o contido do proxecto de ordenanza reguladora da Convivencia, Limpeza e Residuos, e para dar a coñecer as obxeccións que fan a este documento. Ademais das deficiencias que atopan no propio texto, os populares lamentan a falta de transparencia na xestión dunha normativa tan necesaria para Viveiro como é esta.
O portavoz popular, Óscar Rodríguez, sinala que ao goberno municipal, presidido pola socialista María Loureiro, “éncheselle a boca falando de transparencia, pero, á hora da verdade, a transparencia na xestión do goberno de Viveiro non existe; o modo en que prepararon esta ordenanza é un bo exemplo de como son as cousas realmente”. Os populares solicitarán oficialmente a retirada do proxecto de ordenanza, que xa foi aprobado inicialmente polo goberno e agora está aberto o prazo para a presentación de alegacións. Os populares presentarán alegacións e explicaron aos representantes das asociacións que tamén poden facelo todos os que o consideren oportuno. “É inxustificable que o goberno de María Loureiro non mantivera reunións coas asociacións para recoller as súas propostas e para explicar o contido da normativa”, manifestou Rodríguez.
Rodríguez lamenta que o goberno municipal non buscase o consenso para sacar adiante unha ordenanza que considera moi necesaria para Viveiro. Rodríguez insiste no que xa dixo días atrás: “Para nós, unha ordenanza coma esta ten que ser moi clariña, de maneira que todos os cidadáns saiban a que están obrigados e que dereitos teñen nos temas aos que afecta esta normativa”. E non é así, “senón que é confusa, reiterativa e escasa en moitos aspectos; non aborda situacións relacionadas coa crise sanitaria, algo que é inaudito cando se trata dunha normativa que regula a limpeza e os residuos”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
