Xa se nota que ao Sr. Pillado lle queiman, como se botara sal nunha ferida aberta, as verdades que dicimos dende o PP. Por algo será.
Será porque non traballou o suficiente como para revisar minuciosamente o informe de adxudicación da mesa de contratación do servizo da recollida de lixo e ver as graves deficiencias que nós detectamos.
Será porque por iso, por non traballar e lerse o mencionado informe, agarrouse a un cravo quente, o informe de secretaría, (hai que ter máis valor, Sr. Pillado) para xustificar a súa abstención.
Será porque ten remordementos de conciencia porque por non ter feitos os deberes que lle correspondían nese momento e por esa abstención vén de propiciar o incremento do prezo anual da recollida de lixo e da limpeza viaria nada menos que en 156.000 €.
Será porque non é capaz de explicar os motivos reais de tal abstención (que lle ofreceu o Sr. Llano, Sr. Pillado) e agora vese na obriga de auto xustificarse pedindo melloras na recollida de lixo e da limpeza viaria.
Será porque o BNG predica a xestión directa dos servizos municipais, pero logo aproba as privatizacións como aconteceu hai pouco en Sarria (xa, xa sabemos que Sarria non é Burela, pero tampouco o son Catoira ou Viana do Bolo) ou se abstén para favorecelas, como fixo en Burela. En Burela, Sr. Pillado, nin en Sarria, nin en Catoira, nin en Viana do Bolo.
Será que tamén se abstivo na aprobación do presuposto, do peor presuposto municipal da historia do concello, cun investimento real que non chega aos 200.000 €.
O certo é que vostede, Sr. Pillado, ou se abstén directamente para que saian adiante os despropósitos do Sr. Llano ou en contadas ocasións suxire unhas leves modificacións para xustificar ese apoio indirecto tratando de lavar así a súa cara fronte aos veciños e veciñas de Burela ou ben perde a timidez e a vergoña e apoia sen ambaxes o mundo ao revés do Sr. alcalde.
Será por iso, Sr. Pillado, que cos antecedentes indicados vostede non pode considerarse oposición. Se oposición é apoiar, aínda que sexa coa abstención, o peor para Burela, vostede debería pensar seriamente o papel que está a xogar na corporación. Máis aínda logo de non querer sentarse diante dunha mesa con boa parte dos veciños e veciñas de Burela, democraticamente representados polo PP, para falar das cousas que había que falar antes da investidura do alcalde, o que demostra uns enormes prexuízos ideolóxicos impropios de alguén que se presenta á alcaldía dun pobo coma Burela. Xa lle adiantamos que nós seguimos dispostos a falar con vostede e co seu grupo das cousas importantes para Burela, cando o considere oportuno, e das non tan importantes aínda que só sexa para intercambiar impresións.
Por todo iso, Sr. Pillado, non pode darlle leccións a ninguén. O sal dese apoio sistemático, directo ou indirecto, ao goberno do Sr. Llano tamén lles queima aos seus votantes, non o dubide.
GRUPO MUNICIPAL DO PARTIDO POPULAR DE BURELA
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
