Lugo, 7 de setembro de 2020. O Presidente da Deputación de Lugo, José Tomé Roca, participou este luns nun encontro na Delegación do Goberno en Galicia coa Ministra de Política Territorial e Función Pública, Carolina Darias, co delegado do Goberno en Galicia, Javier Losada, e cos presidentes das institucións provinciais da Coruña e Pontevedra, Valentín González Formoso e Carmela Silva. A reunión, convocada pola Ministra, tiña como obxectivo coñecer en primeira persoa como as deputacións galegas están a afrontar a crise derivada da pandemia da Covid-19 e trasladarlle aos mandatarios provinciais información sobre unha nova liña de axudas habilitada polo Goberno central para sufragar gastos derivados de catástrofes naturais.
Tomé Roca sinalou durante o encontro a importancia da cogobernanza das comunidades autónomas cos municipios. “A cogobernanza que está funcionando entre o Goberno central e as comunidades autónomas está sendo moi útil e cremos que é unha fórmula que se debe poñer en marcha entre a Xunta de Galicia e as entidades locais, tanto concellos como deputacións, para xestionar a crise sanitaria”. O mandatario provincial engadiu que “é necesario escoitar ás entidades locais para coñecer de preto as realidades e as problemáticas que se dan nos concellos, e a Deputación é un organismo que está día tras día ao carón deles e que coñece as súas necesidades”.
Nesa mesma liña, a Ministra apelou á cogobernanza como “o camiño a seguir” e puxo en valor o papel das deputacións durante a pandemia da Covid-19 sinalando que se deben recoñecer como elementos clave para asumir o reto da reconstrución, a transformación e o aumento da resiliencia que ten que asumir o país.
Así mesmo, o Presidente da Deputación de Lugo subliñou que as administracións locais están afrontando importantes gastos en materia de sanidade e educación que non son da súa competencia. “O Estatuto de Autonomía de Galicia establece claramente que estas áreas son competencia da Xunta, pero os concellos están asumindo grandes desembolsos económicos”, recalcou. Ademais puxo sobre a mesa que “a Xunta de Galicia mestura as competencias de salubridade pública, que si son responsabilidade dos concellos, coas de sanidade, que non son de competencia municipal”.
Nestes sentido, o mandatario provincial propuxo que o Goberno central condicione as axudas estatais á Xunta de Galicia a que esta teña en conta ás entidades locais, fixando unha distribución proporcional entre os concellos en función dos gastos que asumen. Tomé Roca puxo de manifesto así mesmo que o Goberno central e os concellos están outorgando axudas a fondo perdido ao tecido empresarial e social fronte á crise da Covid-19, mentres que a Xunta “concede préstamos que logo hai que devolver”.
Axudas por catástrofes naturais
A Ministra de Política Territorial e Función Pública presentoulle esta mañá aos presidentes das deputacións a ampliación das axudas a entidades locais por catástrofes naturais e temporais. Carolina Darias explicou que o obxectivo é colaborar coas entidades locais na tramitación destas axudas, que teñen unha dotación total de 200 millóns de euros, dos que o Ministerio que ela dirixe achega o 50%.
Estes fondos foron aprobados polo Consello de Ministros no mes de agosto e a convocatoria abrirase en outubro. A liña de axudas ten como obxectivo atender os episodios producidos entre o 1 de abril de 2019 e o 31 de marzo de 2020. O Real Decreto establece a relación de fenómenos meteorolóxicos entre esas datas e os territorios afectados que poderán recibir as subvencións. As actuacións deberán ser de reparación ou restitución de infraestruturas, equipamentos ou instalacións e servizos de titularidade municipal, rede viaria dos concellos, deputacións e comunidades autónomas uniprovinciais.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
