Santiago de Compostela, 9 de Setembro 2020. O BNG rexistrou unha iniciativa parlamentaria na que insta á Xunta a intervir de xeito inmediato todas as residencias privadas de maiores ao tenor do que está a suceder en moitos destes centros, mesmo con persoas residentes falecidas tras infectarse de COVID19 e con casos de contaxios masivos.
A formación que lidera Ana Pontón demanda do Goberno de Feixóo que non se repitan os erros dos meses máis duros da pandemia, con consecuencias tráxicas para as persoas maiores usuarias das residencias, senón que por contra tome a iniciativa en lugar de actuar cando a situación está fora de control, e co obxectivo de blindar ás residencias garantindo a aplicación estrita dos protocolos.
“Esta iniciativa persegue garantir o cumprimento escrupuloso dos protocolos e das medidas asistenciais e sanitarias das persoas usuarias, porque non pode ser que a Xunta chegue tarde e que actúe a remolque dos acontecementos, ten que anticiparse porque hai moito en xogo”, salienta a viceportavoz parlamentaria, Olalla Rodil.
Para a deputada por Lugo, “non se pode improvisar nin ir por detrás dos problemas, é necesario que o Executivo de Feixóo se anticipe para evitar situacións como as que se están a producir na residencia San Rosendo do Incio ou na DomusVI de Outeiro de Rei”, alega. De feito, nesta última o 75% das persoas usuarias están contaxiadas, o maior gromo da COVID-19 rexistrado en Galiza nunha residencia desde que se decretou a pandemia sanitaria o pasado mes de marzo, mentres que no centro do Incio faleceron desde o 20 de agosto 14 persoas.
Hai que lembrar que as residencias de maiores foron durante os primeiros meses da pandemia un dos principais focos de contaxio da COVID-19, de feito, case a metade das persoas falecidas en Galiza con coronavirus (297) eran usuarias das residencias. No país hai máis de 380.000 galegos e galegas maiores de 70 anos, e pese a que pese a que menos de 25.000 maiores residen en algunha das 223 residencias, case todas privadas, este colectivo soportou case un 50% das vítimas mortais.
Comisión de investigación e novo modelo
Para a formación nacionalista resulta inadmisible que o Goberno do PP siga instalado no mesmo modus operandi en relación ao coidado das persoas maiores nas residencias, pese ao sucedido na primeira ola de COVID19, “en lugar de aprender dos erros cometidos”, -subliña Rodil-, “por iso desde o BNG insistimos na creación dunha comisión de investigación parlamentaria para coñecer que pasou e corrixir aquilo que non está a funcionar”.
Ademais, o Bloque tamén aposta por abrir un debate “profundo e de fondo” sobre o modelo de residencias que actualmente hai en Galiza, maioritariamente privatizado, para camiñar cara un modelo de xestión pública no o dereito a unha vellez digna non sexa convertido en obxecto de lucro e de negocio.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
