Ribadeo, 14 de setembro de 2020. O concelleiro de Medio Rural, Jesús Mundiña, asegura que están a piques de rematar os traballos contratados polo Concello dentro do Plan de Tratamentos Preventivos contra Incendios Forestais, que consisten no desbroce mecanizado da faixa auxiliar en ambas marxes das vías que dan servizo ás zonas forestais. O edil tamén subliña que o Concello dispón de 2 tractores cos correspondentes equipos de desbroce que están actuando permanentemente nos máis de 260 quilómetros de camiños que dan servizo aos 150 núcleos de poboación e ás fincas de uso agrícola.
Mundiña contou que “están a punto de rematar os traballos contratados polo concello de Ribadeo a unha empresa de servizos dentro do Plan de Tratamentos Preventivos contra Incendios Forestais. Estes traballos consisten no desbroce mecanizado da faixa auxiliar en ambas marxes das vías que dan servizo ás zonas forestais, cun ancho medio de desbroce de 5 metros (2,50 m. en cada marxe)”.
O concelleiro de Medio Rural dixo que “a lonxitude total dos camiños forestais que están sendo desbrozados dentro do devandito contrato é de 140 quilómetros, debendo estar rematados os traballos o próximo 30 deste mes de setembro. Esta actuación forma parte dos convenios asinados coa Consellería do Medio Rural para a prevención e defensa contra os incendios forestais, polo que o Concello percibe una axuda deste departamento. Estes traballos de desbroce dos camiños forestais realízanse una vez o ano”.
O edil ribadense subliñou que “o Concello dispón de dous tractores cos correspondentes equipos de desbroce, que están permanentemente actuando no desbroce nos mais de 260 quilómetros de camiños que dan servizo aos 150 núcleos de poboación e ás fincas de uso agrícola. Un destes tractores actúa permanentemente nas parroquias de Vilaosende, Couxela, Cedofeita, Covelas e Arante e o outro nas de Ribadeo, Ove, Vilaselán, Piñeira, Rinlo, Vilaframil e A Devesa”.
Jesús Mundiña engadiu: “compre reflexionar que os medios dos que dispón o Concello para estes traballos de desbroce en camiños son fixos ao longo de todo o ano, pero o crecemento da vexetación é variable, producíndose o máximo crecemento entre mediados de do mes de marzo e finais do mes de xullo, polo que a demanda de traballo tamén é variable. Por esta razón estamos a recibir algunhas queixas cando no período de máximo crecemento da vexetación os traballos de desbroce non poden efectuarse cun período de rotación suficientemente curto que permita observar unha reducida altura da vexetación nas beiras dos mais de 260 quilómetros de camiños. Desde esta Concellaría de Medio Rural seguimos a traballar para ir mellorando o estado dos camiños de todo o concello coa mellor utilización posible dos recursos cos que contamos”.
Terá lugar este venres 29 de maio ás 17:30 horas no Local Social da rúa Enrique Guzmán. A primeira mesa, dedicada aos diferentes modelos de obter beneficio, contará con Fernando Branco Parga e Quico da Silva do Colectivo Bidán, e co deputado Xosé Manuel Golpe, baixo a moderación da concelleira Paula Gómez. A segunda mesa abordará os beneficios para a veciñanza no desenvolvemento da enerxía eólica en Muras, con intervencións da deputada Olalla Rodil, do deputado Daniel Castro e do alcalde Manuel Requeixo, moderados pola concelleira Azucena Camba.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
Non deben prematricularse quen continúe co mesmo instrumento nin quen opte a talleres, Música e Movemento, Pandeireta ou Instrumentos Tradicionais, que se inscribirán en setembro. As solicitudes presentaranse no rexistro do Concello ou na sede electrónica, sen garantir praza. O alumnado xa matriculado mantén a súa praza se formaliza a matrícula entre o 1 e o 9 de setembro. A Escola contactará na primeira semana de setembro para confirmar dispoñibilidade segundo o Regulamento interno.
A xornada incluirá exhibicións de patinaxe artística e ximnasia rítmica, así como a entrega de diplomas e dun agasallo para todos os nenos e nenas das distintas disciplinas das escolas: voleibol, balonmán, multideporte, ximnasia rítmica e patinaxe artística. Será unha tarde especial para recoñecer o esforzo, a ilusión e o compañeirismo amosados ao longo de todo o curso.
O corte afectará ao tramo comprendido entre os puntos quilométricos 19,765 e 22,933. As obras, executadas pola empresa OVISA Pavimentos y Obras S.L.U., contan cun investimento da Deputación de Lugo de preto de 190.000 euros.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. No acto de apertura servirase un viño acompañado dun pequeno aperitivo.
O colectivo denuncia que, tras anos de espera, continúa sen obter unha resposta xusta ás súas reivindicacións e esixe o recoñecemento da súa categoría profesional, unha reclasificación acorde coa súa cualificación e unha retribución inmediata e adecuada ás súas funcións. Os profesionais reclaman tamén axilidade nas solucións, lembrando que levan demasiado tempo entre promesas incumpridas e parálise administrativa.
