Burela, 19 de setembro de 2020. As Concellerías de Obras e Servizos e de Medio Ambiente do Concello de Burela editaron un Bando, que foi publicado no día de onte no Taboleiro de Anuncios do Concello, no que se insta ás persoas propietarias dos soares vacantes de edificación lindantes coas vías públicas municipais a que procedan, no prazo de seis meses desde a data de publicación deste, a dar cumprimento á obriga establecida na Ordenanza de Limpeza Municipal, relativa ao valado e peche de ditos terreos. Ambas Delegacións advirten que “dito bando, foi obxecto dunha corrección no seu título, que tamén foi obxecto de publicación, e na que se contén o texto definitivo, debidamente rectificado aos efectos de que non xere ningún tipo de confusión na veciñanza”.
Toñi Eijo e Ramiro Rey explican que “a vista de que polos Servizos Técnicos Municipais, estase a comprobar o incumprimento de dita obriga por parte das persoas propietarias dos soares referidos, e mesmo nalgúns casos o incumprimento da súa obriga de mantelos debidamente desbrozados e libres de residuos, con esta actuación o Concello de Burela pretende garantir que ditos terreos se conserven nas debidas condición de seguridade, salubridade, accesibilidade universal e ornato público, tal é como esixen as normas urbanísticas e medio ambientais”.
Os edís bureleses sinalan que “as referidas persoas propietarias, con carácter previo á execución das obras relativas ao valado e peche dos soares que non estean edificados lindantes coas vías públicas de titularidade municipal, deberán presentar a oportuna comunicación previa ou, no seu caso, obter a preceptiva licenza de obras, e todo elo de acordo coa normativa urbanística de aplicación”.
Rey e Eijo engaden que “unha vez finalizado o prazo establecido no Bando municipal para dar cumprimento á devandita obriga, sen que por parte das persoas propietarias dos soares se procedese á execución do valado e peche ou, no seu caso, sen que nin sequera se presentase a preceptiva comunicación previa ou a obtención da pertinente licenza de obras, procederase a iniciar os oportunos procedementos de orde de execución, e todo elo coa finalidade de obrigar a ditas persoas ao cumprimento do deber establecido na ordenanza municipal de limpeza. Igualmente compre informar ás persoas propietarias dos soares vacantes de edificación lindantes coas vías públicas municipais que, sen prexuízo das infraccións e sancións establecidas na normativa urbanística de aplicación, a Ordenanza de Limpeza do Concello de Burela, tipifica como infracción moi grave o feito de carecer de valado un soar, o que podería dar lugar á imposición dunha sanción en concepto de multa de 1.501 ata 3.000 euros”.
Os concelleiros de Medio Ambiente e Obras sinalan que “compre poñer de manifesto que, aos efectos de dar cumprimento á referida obriga, as persoas interesadas poderán solicitar información ou formular as oportunas consultas ante a Oficina Técnica do Concello de Burela, mediante a presentación do oportuno escrito no rexistro municipal – ou naqueles legalmente habilitados a tal efecto -, ou solicitando cita previa chamando ao 982 586 000, ou na sede electrónica https://burela.sedelectronica.es/citaprevia.6”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
