Rescatados os 3 tripulantes dun pesqueiro de Burela que afundiu fronte á praia de Llas

 Burela, 21 de setembro, 2020. O 112 Galicia rexistrou esta madrugada un accidente no mar. En concreto, tratouse dun pesqueiro cunha vía de auga á altura da Praia de Llas, en Foz. A tripulación tivo que ser rescatada polo helicóptero do Servizo de Gardacostas de Galicia, o Pesca-II, que recolleu aos tres ocupantes do Sapilo, con base en Burela, en perfecto estado de saúde.
Con todo, a embarcación rematou por afundir, por iso, resultaron visibles algúns obxectos que comezaron a emerxer do veleiro. Deste xeito, un particular, que pescaba pola zona a bordo dun barco, chamou alarmado ao 112 Galicia pola material de embarcación que flotaba na auga.
A información sobre este naufraxio chegou ao 112 Galicia pasadas as cinco da madrugada a través da Garda Civil e de Salvamento Marítimo, cuxo persoal xa traballaba no rescate da tripulación e no control da embarcación danada.