BURELA (FNC) . Dezaseis persoas participaron no primeiro módulo do curso de socorrismo acuático que deu comezo o pasado 12 de abril en Burela, organizado polas Concellarías de Mar e de Formación.
A edil socialista, Remedios López confirma que “rematou o primeiro módulo de primeiros auxilios, de 22 horas de duración e aprobou o 100% do alumnado, obtendo o título pertinente e optando a acceder á proba de acceso ao curso de socorrismo acuático de 80 horas de duración”. López Villar sinala que “esta proba que se fixo o 19 de abril na piscina municipal de San Cibrao require uns coñecementos mínimos de natación e mergullo. Consistiu en nadar 200 metros en estilo libre en 4 minutos e mergullar 25 metros, proba que só lograron superar 8 alumnos. Estes 8 rapaces comezaron o 20 de abril a facer o módulo de socorrismo acuático, co obxectivo de formarse nos coñecementos e as habilidades necesarias para as tarefas de socorrismo, así como coñecer a lexislación actual no medio acuático”.
A responsable da Concellaría de Mar anuncia que “as prácticas comezarán na piscina municipal de Cervo e unha vez collido o ritmo serán nas praias da costa de Burela revisados en todo momento pola lancha de salvamento da Cruz Vermella e este ano contaremos cunha importante novidade, esta semana do 11 ao 13 teremos o apoio dos servizos da Xunta de Galicia que axudarán a facer unha proba prácticas de socorrismo, este espectáculo digno de ver creemos que vai xuntar numeroso público e axudar a formar mellor aos novos socorristas”.
A edil socialista agarda “rematar o curso o 13 de maio xusto antes de que os Concellos comecen a selección de socorristas para as súas praias, creando un foco de emprego e dándolle a oportunidade de traballar durante os meses estivais á nova mocidade”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
