CERVO .- A concellería de Medio Ambiente de Cervo, programou acto de sensibilización e divulgación do programa de compostaxe doméstico que está previsto poñer en marcha no municipio coa colaboración de Sogama. Será o xoves, 13 de maio de 2010 as 20 horas no Salón de Actos da Casa do Concello
O CONCELLO DE CERVO ORGANIZA UN ACTO DE SENSIBILIZACIÓN E DIVULGACIÓN SOBRE O COMPOSTAXE DOMÉSTICO
* O seu propósito é informar dos pormenores desta iniciativa aos veciños interesados en participar no programa que a concellería de Medio Ambiente porá en marcha nos vindeiros días
Cervo, 11 Maio de 2010.- A Concello de Cervo, a través da súa concellería de Medio Ambiente, ten previsto organizar o vindeiro xoves, 13 de maio de 2010 as 20 horas no Salón de Actos da Casa do Concello, un acto de sensibilización e divulgación do programa de compostaxe doméstico que está previsto poñer en marcha no municipio coa colaboración de Sogama.
O acto consistirá na presentación pública e na divulgación por parte dun técnico da empresa de enxeñaría de sistemas medioambientais, Ingesyma, sobre este proxecto de compostaxe doméstico a instaurar no noso termino municipal en virtude do acordo asinado con Sogama, e do que tamén forman parte os concellos de Alfoz, Trabada, Barreiros e Lourenzá.
Segundo indicou a concelleira de Medio Ambiente do Concello de Cervo, Pilar Armada, a pretensión desta charla informativa é que os cervenses interesados en participar nesta iniciativa “poidan coñecer os pormenores da mesma, así como os beneficios que traerá consigo e o proceso a seguir para a transformación da materia orgánica en compost”, un fertilizante natural con excelentes propiedades para o chan.
Así mesmo, a responsable da área medioambiental municipal adiantou que se aproveitará a ocasión para insistir na necesaria colaboración cidadán no sistema de recollida selectiva das distintas fraccións de residuos, “contribuíndo con isto a a alcanza-los obxectivos finais deste programa: redución da produción de refugallos e incremento dos porcentaxes de material desviado aos centros recicladores”.
Por último, informar tamén que ao remate do acto aqueles interesados en adherirse a dita experiencia poderán formalizar a súa inscrición. Neste senso, hai que lembrar que continúa aberto o prazo para que os veciños e veciñas interesados en participar neste programa de reciclaxe doméstica formalicen a súa solicitude nas oficinas municipais no Concello, ou na Casa de Cultura de San Ciprián.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
