Burela, 29 de setembro de 2020. O alcalde burelés, Alfredo Llano, fai unha valoración positiva da xuntanza que mantivo esta mañá en Santiago coa directora de Augas de Galicia, Teresa Gutiérrez, e con técnicos deste departamento para abordar varios proxectos e asuntos de interese para o concello. Enriba da mesa estiveron o Consorcio da Auga de Cervo e de Burela, a instalación dun criadeiro de salmóns e a Edar. A estación podería ser unha realidade en 2023 si se van cumprindo todos os prazos e non xorden contratempos.
O rexedor explicou que “con Augas de Galicia estivemos falando de varias cuestións con respecto ao Consorcio e á Mancomunidade que queremos facer das augas compartidas de Cervo e Burela. Estivemos analizando si queremos seguir con esta idea ou con outro proceso compartido, a través dunha iniciativa de Augas de Galicia. Estivemos mirando a mellor situación para dar o mellor servizo e que vaia ben para os dous Concellos. Quedamos de facer unha reunión este trimestre en Cervo”.
Alfredo Llano e Teresa Gutiérrez tamén falaron sobre a empresa norueguesa de produción de salmón, que está interesada en montar unha planta e Burela. Llano lembrou que a súa intención é producir tres millóns de quilos de salmón ao ano: “estiven preguntando sobre a capacidade de consumo que temos Cervo e Burela para darnos conta do que esixe a empresa para poder levar adiante esta produción que necesita unha cantidade de auga importante. En principio ten pensado aproveitar a auga do mar, procedendo a súa desalinización, e o abastecemento de auga doce xa se vería cal podería ser a mellor fórmula. Evidentemente coa capacidade que esixe vai ser moi difícil que se poida abastecer co noso caudal, pero miraríamos a ver como podemos facer para que non quede desabastecida, porque hai a intención unánime tanto de Portos como de Costas, como de Augas de Galicia como do Concello de Burela de que se poida favorecer a instalación dunha empresa deste tipo no noso concello”.
O alcalde dixo que “foi unha reunión moi interesante, estaban ademais da directora de Augas de Galicia, os técnicos, os arquitectos e os enxeñeiros de Augas de Galicia para asesorarme de todo o que me preocupaba e foi unha conversa moi amigable que resultou moi efectiva”.
Outro dos proxectos dos que está moi pendente o rexedor de Burela é sobre a nova Edar: “a previsión de construción da Edar imos levala para adiante o antes posible, dado que é fundamental para Burela. Por un lado para determinar con claridade un bo tratamento das augas residuais, para que sexa acorde coa necesidade de Burela tanto pola poboación como polo consumo e por toda a súa actividade. A nova planta estará preparada para atender entre 16.000 e 20.000 habitantes. Urxe facela porque cada vez que hai moita choiva manifestase o mal que está a Edar actual”. Alfredo Llano lembrou que “a nova consta de dous proxectos básicos, un deles é a propia Edar, todo aquilo que se necesita instalar para que sexa efectiva, vai ser unha planta biolóxica e coa capacidade suficiente para atender as necesidades presentes e futuras de Burela. Despois hai outra obra complementaria que é a canalización para a Edar e o emisario que fai falta construír no porto de Burela. O proxecto da canalización é posible que xa se remate a final de ano e que se faga a licitación a primeiros do ano que ven. Ademais agora mesmo se está resolvendo o proxecto executivo para a construción da Edar, para o que hai moitas empresas interesadas, calculan que en novembro estaría resolto ese procedemento e despois teñen oito meses como máximo, aínda que eu agardo que sexa menos, para resolver o proxecto. Unha vez que estea resolto xa se pasaría á licitación da obra”.
O alcalde burelés calcula que “no ano 2023 estea rematado todo o proceso. En principio dá confianza en ver como se vai avanzando, esperemos que saia rapidamente a licitación para ter rematada toda a obra, que non vai ser fácil porque é complexa, para o ano 2023”.
Á directora de Augas de Galicia o rexedor tamén lle insistiu na necesidade de proceder á limpeza dos ríos de Burela.
O Alcalde de Burela fai unha valoración positiva da xuntanza que mantivo coa directora de Augas de Galicia, Teresa Gutiérrez, e agarda que a nova Edar sexa unha realidade en 2023
-
-
SeguinteO delegado territorial da Xunta en Lugo, Javier Arias, mantivo unha primeira xuntanza institucional coa subdelegada do Goberno, Isabel Rodríguez, no marco da rolda de visitas que o responsable autonómico ten previsto realizar nas próximas semanas aos principais representantes das institucións luguesas
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
