Lugo, 16 de outubro de 2020. A voceira socialista do Goberno da Deputación, Pilar García Porto, informou de que a Xunta de Goberno deste venres aprobou un convenio de colaboración co Concello de Burela, por valor de 52.000 euros, para a reposición do peche do campo de herba artificial da Marosa.
Os traballos consistirán na substitución parcial do peche do campo, fondo sur e este, cunha malla electrosoldada. Isto facilitará o acceso a aseos e vestiarios ás persoas con mobilidade reducida. Así mesmo, aproveitarase para substituír os bancos dos dous equipos e levar a cabo a canalización do campo. O prazo de execución é de un mes.
García Porto explicou que a colaboración económica da Deputación “responde a unha necesidade plantexada polo Concello de Burela, que, á súa vez, recolle a demada dos equipos que xogan e adestran neste campo”.
O campo de herba artificial da Marosa, de titularidade municipal, é usado polos equipos de base da Asociación para o Fomento do Deporte (AFD) Porto de Burela, onde xogan de locais. Ademais, serve como campo de adestramento para os xogadores da SD Burela, que milita en Primeira División Rexional.
A voceira provincial socialista lembrou que a achega económica de 52.000€ aprobada hoxe pola Deputación para acometer as obras de reposición do peche do campo da Marosa súmase aos 150.000€ que xa aportou a Deputación con anterioridade para renovar os vestiarios e a iluminación do recinto.
Administración electrónica
García Porto informou de que a Xunta de Goberno aprobou a licitación do servizo de mantemento e de melloras nas aplicacións de administración electrónica da Deputación por un importe de 45.000 euros. O contrato terá unha duración de un ano, coa posibilidade de dúas prórrogas anuais.
“As aplicacións de administración electrónica da Deputación permiten aos cidadáns comunicarse por medios electrónicos coa Deputación, pero tamén son un piar fundamental para a dixitalización da administración e para facilitar non só o intercambio de datos entre as entidades, senón para permitir o traballo non presencial, algo que se impulsou notablemente durante este último ano”, explicou a Deputada.
Estas aplicacións inclúen un rexistro electrónico de documentos e unha sede electrónica que permite aos veciños e veciñas remitir documentación á Deputación, presentar instancias e solicitudes dende a súa casa de forma segura e fiable a través de medios electrónicos, utilizando os seus ordenadores ou dispositivos móbiles.
Ademais, permiten realizar unha xestión electrónica completa de todo o expediente electrónico: dixitalizando toda a documentación que o conforma, incorporando sistemas áxiles de sinatura electrónica e sistemas de supervisión e control; o que permite non só axilizar a súa tramitación interna, acortando os tempos de resolución, senón tamén ter un maior control da información do expediente, gañar en transparencia, compartir información entre diferentes entidades eliminando duplicidades de documentación, e deslocalizar a tramitación do expediente permitindo traballar a varios funcionarios ao mesmo tempo e independentemente do lugar onde estean traballando.
“O contrato aprobado hoxe pola Deputación permitirá, non só garantir a continuidade e o bo funcionamento das aplicacións que conforman o sistema de administración electrónica da institución, senón que tamén permitirá engadir melloras e novas funcionalidades que faciliten a súa utilización e a relación entre a Deputación e a cidadanía por medios electrónicos”, asegurou a voceira socialista do Goberno.
Investigación histórica
Por outra banda, a Xunta de Goberno deu luz verde a unha achega de 25.000 euros á Fundación Luis Tilve para colaborar no financiamento do Proxecto de investigación sobre a reorganización do movemento obreiro na provincia de Lugo e a súa repercusión en Galicia (1945-1990).
A realización deste proxecto permitirá reconstruír a historia do movemento obreiro na provincia, dos seus traballadores, e da reorganización e reconstrución da democracia e das liberdades sociais. Así mesmo, a iniciativa axudará a recuperar o patrimonio histórico documental xerado por estes movementos, a fin de clasificalo, difundilo e poñelo a disposición dos historiadores e dos veciños e veciñas.
Remanentes do Plan Único no Valadouro
A Xunta de Goberno aprobou así mesmo este venres a solicitude do Concello do Valadouro de destinar remanentes do Plan Único de Cooperación cos Concellos 2019 por importe de 16.500€ para o acondicionamento da herba na piscina municipal e a rehabilitación da rotonda que da acceso ao municipio.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
