Ribadeo, 16 de outubro de 2020. A Concellaría de Desenvolvemento Local ven de presentar A túa tenda a punto. Trátase dun programa de formación e asesoramento individualizado dirixido ao pequeno comercio. Poderán participar, de xeito totalmente gratuíto, ata 20 establecementos que pertenzan ao sector do comercio polo miúdo e que teñan menos de doce empregados. O prazo de inscrición está aberto ata o 23 de outubro.
O concelleiro de Desenvolvemento Local, Pablo Vizoso, anunciou que “o Concello de Ribadeo, desde a área de Desenvolvemento Local, lanza un programa dirixido a aumentar a competitividade do pequeno comercio da vila e que, a través dun asesoramento personalizado, procura mellorar a xestión de cada un deses negocios, a implantación de novas medidas que axuden a incrementar as vendas, a súa rentabilidade e que focalice tamén nunha maior presenza online”.
O edil explicou que “a este programa denominámolo A túa tenda a punto, está subvencionado e financiado integramente polo Concello, tamén grazas á achega a través do Plan Único da Deputación de Lugo, e enmárcase totalmente dentro do programa de dinamización e reactivación socioeconómica deseñado polo Concello de Ribadeo. É un programa que vai constar de varias fases e que se vai basear principalmente no acompañamento por parte de persoas expertas aos establecementos e comercios adheridos para realizar os diagnósticos necesarios e buscar conxuntamente fórmulas e medidas que melloren a súa rentabilidade”.
Vizoso Galdo indicou que “en cada comercio se van realizar os seguintes traballos: un primeiro diagnóstico inicial de cada establecemento individualizado, a través do método DAFO, para detectar debilidades, fortalezas, ameazas, oportunidades e accións de mellora; unha fase de asesoramento personalizado que consiste no acompañamento individual aos comercios para a implantación desas melloras identificadas na fase anterior de diagnose; outra fase de formación que inclúe tamén a celebración de varias xornadas orientadas á adquirir novas competencias dixitais e potenciar o traballo conxunto entre os establecementos; unha fase de activación e de mellora que se concreta na definición dun plan individual por cada comercio que recolla as propostas para a súa mellora competitiva e que inclúa tamén accións a curto e a medio prazo; e finalmente unha fase de seguimento das accións propostas para a reactivación do comercio e a valoración do seu impacto e desenvolvemento”.
O concelleiro de Desenvolvemento Local declarou que “os establecementos participantes van poder dispoñer dunha persoa que lles asesore e que os forme en aspectos tan variados como a promoción das vendas, a renovación da imaxe, o emprego e adquisición de competencias nas novas tecnoloxías, accións de publicidade, márketing, innovación comercial, asesoramento nos novos canais de venda, escaparatismo e outro tipo de materias. É un proceso para profundizar, para adentrarse nunha nova etapa individualmente por cada negocio participante e que busca a procura da mellora dos resultados, a súa rentabilidade e tamén evidentemente a sostibilidade do noso comercio. Poderán participar neste programa, de maneira totalmente gratuíta, ata vinte establecementos que teñen que reunir unha serie de condicións como que estean ubicados fisicamente en Ribadeo, que pertenzan ao sector do comercio polo miúdo, que conten con menos de doce empregados e valoraranse tamén outros aspectos como a participación no proxecto, a súa motivación e implicación”.
Pablo Vizoso engadiu que “o prazo para a inscrición estará aberto ata o vindeiro 23 de outubro, na páxina web ribadeo.gal, na sección Facendo Concello e no enlace A túa tenda a punto. Nese apartado tamén se poden consultar as bases de participación e a folla de inscrición, aínda que para solicitar máis información tamén está a oficina da área de Desenvolvemento Local de Ribadeo no teléfono 982 128 650 ou no enderezo de correo electrónico adl@ribadeo.org”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
