BURELA (FNC) .- O bipartito presentará unha moción no vindeiro pleno reclamándolle á Xunta que execute as obras de reparación dos tellados das Casas Baratas e da rúa do Río. E o BNG no parlamento plantexará unha iniciativa para que o PP explique o parón destes traballos que xa contaban con consignación orzamentaria.
A concelleira de Benestar Social contou que “onte mantivemos unha xuntanza cos veciños das Casas Baratas á que asistiu a ex conselleira de Vivenda, Teresa Táboas, e na que analizamos a situación de parón das obras previstas nos tellados destas casas. Táboas explicóulles aos veciños que non cabe ningunha excusa para que o PP, agora na Xunta, non faga estas obras posto que nos orzamentos galegos de 2009 se consignaron partidas para as reparacións dos tellados das Casas Baratas e da rúa do Río. E o PP non fixo as obras e derivou estes cartos para outro lado”.
Neves Cando pregúntase “se había partidas reservadas para estas obras, se os proxectos xa estaban feitos, se a parte correspondente a unha das fases das Casas Baratas xa tiña licencia municipal dada, por qué o PP na Xunta non fai as obras e deixa a estes veciños sen unhas reparacións vitais para as súas vivendas. Que resposten e que digan a onde foron parar eses cartos destiñados a Burela”.
A edil nacionalista anuncia que “o BNG no parlamento presentará unha iniciativa para que o goberno do PP dea unha resposta sobre este asunto e no Concello imos presentar unha moción no vindeiro pleno para reclamarlle á Xunta que execute estas obras porque consideramos que son vitais e urxentes e porque non entendemos o seu parón”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
