Ribadeo, 23 de outubro de 2020. Acisa Ribadeo asinou dous novos convenios con condicións vantaxosas para os seus socios e socias que lles permitirá aforrar no recibo da luz ás empresas e potenciar a conciliación laboral e familiar tanto dos asociados como dos seus traballadores e traballadoras.
O xerente de Acisa, Jesús Pérez, explicou que “o primeiro convenio asinado é coa empresa AuroAstur e pretende que os nosos socios e socias poidan abaratar o recibo da luz. Este convenio ofrece unha tarifa de enerxía e gas preferente, con prezos indexados e cuns gastos de xestión competitivos ou prezos fixos máis asequibles que os ofrecidos por outras compañías, así como prezos de potencia BOE e sen compromiso de permanencia. A compañía ofrece atención personalizada, permanente e directa, sempre co mesmo xestor autorizado, ademais dun estudo da factura para facer unha oferta personalizada que dea o mellor prezo, buscando a mellor tarifa e optimizando a potencia demandada para pagar o xusto. O convenio está aberto a que poidan desfrutar non soamente os empresarios para o negocio asociado senón tamén para outros negocios da súa propiedade, os seus domicilios ou familiares”.
Pérez Prada engadiu que “asinamos ademais un convenio coa empresa asociada Con Sentidiño, que ofrece un desconto dun 10% na adquisición de calquera bono para as estancias dos nenos e nenas no centro, así como flexibilidade nos horarios de recollida e recepción dos cativos. Ambas medidas están destinadas a potenciar desde Acisa Ribadeo a conciliación laboral e familiar dos nosos socios e socias, así como dos empregados e empregadas dos negocios”.
O presidente de Acisa, Francisco Iriarte, subliñou: “cremos que desde Acisa Ribadeo é importante seguir traballando en ofrecer servizos aos nosos socios, neste caso un convenio co que poden estudar o abaratamento do recibo da luz e outro co que poden ter unha axuda para conciliar a vida laboral e familiar. É importante salientar o carácter aberto de ambos convenios, que non se limitan unicamente á empresa asociada senón que vai máis aló, cubrindo en cada caso as necesidades familiares e domiciliarias dos empregados de cada establecemento”.
Segundo sorteo de panchas
Katia Puga Gonzalez é a afortunada do segundo sorteo de panchas que Acisa realizou hoxe, venres, dentro da campaña Domingueo en Ribadeo. Desde a asociación lembran que “poderá pasar a recoller as súas 40 panchas polas oficinas de Acisa Ribadeo, sitas na rúa San Roque, de luns a venres de 10:00 a 14:00 horas e de 16:00 a 19:00 horas”.
Os vindeiros sorteos de panchas serán o 30 de outubro e o 6 de novembro entre os usuarios rexistrados na app de Ribadeo Cerca de Ti.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
