Burela, 29 de outubro de 2020. O Concello de Burela emitiu un Bando coas medidas de prevención que se levarán a cabo nos cemiterios do municipio diante da festividade de Todos os Santos e Defuntos co obxectivo de previr a expansión do covid. O cemiterio estará aberto desde hoxe ata o 2 de novembro en horario de sete da mañá a nove da noite. Establécese un máximo de catro persoas por grupo de visitas e un tempo máximo de estancia no camposanto de trinta minutos. Ademais os aseos estarán pechados.
O alcalde burelés, Alfredo Llano, dixo que “emitimos un Bando onde figuran as medidas xerais de prevención que está de acordo coa normativa tanto do Goberno central como da Xunta de Galicia, polo tanto establece o cumprimento obrigado desas medidas”.
O rexedor sinalou que “concretamos cinco medidas que establecemos que deben ser prioritarias e que conforman unha boa situación para organizarse na visita aos cemiterios durante todos estes días. Desde a publicación deste bando hoxe, xoves, ata o día 2 de novembro poderanse realizar as tarefas de limpeza e conservación dos nichos ou tumbas por parte dos familiares nun horario comprendido entre as sete da mañá e as nove da noite. Penso que é un horario abundante para poder facer todas estas tarefas. Ademais permitirase un máximo de catro persoas por grupo e haberá que respectar o espazo que lle corresponde a cada un sen aglomerarse excesivamente. A duración das visitas non deben superar en ningún caso os trinta minutos. Cremos que debe ser suficiente para estar alí facendo as labores que correspondan”.
Llano engadiu que “tampouco se van poder utilizar os aseos porque vai ser pouco tempo de permanencia no cemiterio e ademais non podemos estar aí limpando constantemente. Imos poñer material suficiente para se hai que utilizar a billa ou as escaleiras e pedimos ás persoas que o empreguen que o deixen como estaba para as outras que poidan ir alí”.
O alcalde referiuse ao covid e pediu colaboración á veciñanza: “imos procurar ter entre todos a corresponsabilidade que nos toca. Hai que ter en conta que Burela foi un exemplo clarísimo no mes de xullo de como comportarse. Eu apelo a esa responsabilidade que se amosou daquela, o que nos levou a ter un éxito extraordinario. Eu sei que a xente de Burela realmente está tendo un comportamento exemplar. Quero dar as grazas por colaborar sempre pensando no ben común e en atallar a expansión do coronavirus”.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
