Cervo, 7 de novembro de 2020. A edil de Servizos Sociais, Pilar Armada, amosou no nome do Concello de Cervo, a súa sorpresa ante as declaracións realizadas polos voceiros do Bloque Nacionalista Galego “a verdade é que non agardabamos que fixesen política cun tema tan sensible como o COVID-19 que lamentablemente estamos a sufrir nestes días con gran virulencia no Centro de Día Residencia de San Ciprián”.
A edil lamenta profundamente ter que aclarar nestes momentos “no que o único que nos ocupa e preocupa é a saúde dos afectados e tentar conter a propagación do virus”; que desde o minuto un se está a facer “unha intervención pública” tendo en conta que tanto desde o SERGAS como desde o Concello de Cervo estamos a facer un seguimento continuo da evolución da situación, colaborando e intervindo en todo o que está na nosa man nesta situación tan complicada da que desde logo “resulta inconcibible culpar a ninguén”.
Armada pídelle aos compañeiros do BNG que volvan á senda da lealdade institucional nun problema de alcance mundial como este e que deixen de facer política coa dor da xente; porque cremos que nestes intres todos (veciñanza, persoas usuarias, familias, traballadores, políticos..) debemos remar na mesma dirección “apoiando aos afectados que realmente o está a pasar moi mal”.
A edil de Servizos Sociais reitera no nome do Concello de Cervo as condolencias ás familias das 5 persoas usuarias falecidas, e todo o noso apoio e agarimo a toda a familia do CDR “estamos con vós”.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
