LUGO .-Preto de 320 persoas participan esta semana no programa Km0 da a Deputación. Veciños de distintas localidades da provincia visitaran Ribadeo, Viveiro e San Cibrao. Un grupo de estudantes de A Pontenova e veciños de Lugo redescubrirán a provincia con Km0 Xtreme.
Nota de Prensa
Estudantes da Pontenova e veciños de Lugo redescubrirán a provincia con Km0 Xtreme
– No primeiro caso, escolleron a ruta “Multiaventura” que inclúe actividades con canoas, rastreos ou tiro con arco e, no segundo, percorreán Meira en cabalo
– Preto de 320 persoas participan esta semana no programa co que a Deputación demostrou que o medio ambiente é unha oportunidade económica
A Deputada de Economía, Regina Polín, recibiu este martes a un grupo do IES Enrique Murais (A Pontenova) e a outro do CEIP da Ponte de Doiras (Cervantes) dentro de Km0. En total, nas sete rutas organizadas para esta semana dentro do programa medioambiental, participarán preto de 320 persoas.
No primeiro caso, 24 estudantes da Pontenova elexiron a ruta “Multiaventura” incluída na modalidade Xtreme do programa medioambiental, e que permite redescubrir a provincia a través do deporte e da actividade física. Os estudantes da Pontenova, ademais de visitar a Insua de Burneiros e a Fervenza, realizaron actividades con canoas, rastreo ou tiro con arco. A ruta desenvolveuse polo municipio de Rábade. O grupo de 55 escolares de Cervantes viaxou ata a Mariña, onde fixo un paseo fluvial en catamarán pola ría e coñeceu a fábrica de Alcoa, o Castelo Mariño e o Faro de San Cibrao.
O mércores, 24 membros de ASPNAIS de Lugo percorrerán as instalacións do Centro de Artesanía e Deseño para logo desprazarse ata o Concello de Viveiro. No municipio mariñano, visitarán a igrexa de Santa María do Campo, o casco histórico e a praia de Covas. Tamén subirá ó alto de San Roque. Ese mesmo día, 24 integrantes da asociación luguesa “Veciños Xuntos” redescubrirán a Terra Chá coa ruta “A Cabalo” da modalidade Xtreme. A actividade terá unha duración de tres horas e desenvolverase polo municipio de Meira.
O xoves, un grupo de 24 solicitantes individuais viaxarán ata O Incio, onde farán dúas ruta de sendeirismo por este municipio. Completarán o itinerario cunha visita á igrexa do Hospital. Pola súa banda, un grupo de 55 persoas da Asociación Cultural “Peña G.V.” do Páramo decantaranse por Ribadeo. Neste Concello visitarán o Centro de Cultivos Mariños e o mosteiro das Clarisas. Tamén farán unha travesía en barco pola ría.
O venres, día 21, 110 membros da Confederación de Empresarios da Hostalería de Galicia farán a ruta “Augas de Guitiriz”. Asimesmo, aproveitarán a ocasión para visitar a Muralla e a Catedral de Lugo.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
