A hostalería de Burela pedirá ao Concello medidas urxentes de axuda ao sector

Burela, 16 de novembro, 2020. Representantes dos principais locais hostaleiros de Burela reuníronse na tarde do luns para concretar as súas demandas e solicitar ao Concello de Burela un plan de medidas de axudas reais para o sector, sen dúbida un dos más castigados polos efectos do Covid.
Na reunión participaron uns 25 empresarios que amosaron o seu desacordo coa base das medidas plantexadas desde o Concello, que consistiu nunha liña de axudas aberta a tódolos sectores do comercio local, pero que resultan insignificantes ante a dura situación que vive actualmente a hostalería, únicos establecementos que permanecen pechados.
O primeiro paso será solicitar unha reunión de urxencia co alcalde e tenente alcalde do Concello de Burela para expoñer as súas principais demandas, solicitar axudas directas para o sector e amosar o seu malestar ante diferentes decisións que se teñen tomado e que non están favorecendo á hostalería de Burela.
Os hostaleiros exixen sensibilidade para entender a precaria situación pola que atravesa o sector e pedirán tamén ao Concello que os defenda ante a Xunta de Galicia e loite para lograr que se levanten as medidas tan restrictivas que afectan a Burela malia que a situación sanitaria se atopa só no nivel 1 de alerta, con moi poucos casos novos confirmados por PCR nos últimos días.