Ribadeo, 19 de novembro de 2020. A Asociación de Comerciantes, Industriais, Servizos e Autónomos (Acisa) de Ribadeo pide responsabilidade fronte ao coronavirus aos veciños e veciñas para poder pasar un Nadal “o mellor posible” e para non ter que sufrir novas restricións.
O presidente de Acisa Ribadeo, Francisco Iriarte, considera que “é imprescindible que todos os veciños e veciñas do municipio así como as persoas que nos visitan da comarca actúen con moita responsabilidade fronte ao Covid-19 para evitar contaxios que obrigarían a que as autoridades sanitarias teñan que tomar novas medidas durante o vindeiro mes de decembro. Non nos podemos relaxar. Temos que actuar con moito sentido común”.
Para Iriarte Quintana “estamos ante o momento quizais mais delicado do ano, se non facemos as cousas ben podémolo pagar moi caro. A campaña de Nadal é imprescindible para que o comercio e a hostalaría de Ribadeo resistan e poidan saír adiante e por nada do mundo podemos arriscarnos a que a situación epidemiolóxica empeore, porque iso podería implicar novas medidas restritivas. A dia de hoxe xa temos unhas restricións moi duras, pero coas podemos convivir, se tiveran que ampliarse serían a ruína da economía e o peche dunha boa parte dos negocios da nosa vila nos vindeiros meses”.
O presidente do colectivo empresarial ribadense sinala que “segundo se está a confirmar por parte das autoridades sanitarias Ribadeo está a aumentar no número de casos, ao igual que outros concellos da zona, e por iso estamos preocupados. Entre todos, sendo responsables, debemos frear esta cadea de contaxios”.
Pola súa banda o xerente de Acisa, Jesús Pérez, manifesta que “podemos saír mercar e tomar algo ou comer fora, non so podemos se non que debemos facelo, polo ben da economía local, pero debemos facelo cumprindo estritamente as normas e sendo responsable. Si todos cumprimos evitaremos novas restricións e poderemos pasar un Nadal o máis normal posible, dentro das actuais circunstancias que nos toca vivir”.
E engade: “a responsabilidade é de todos, dos empresarios, por suposto, que nun 99% compren as normas, pero tamén dos veciños e veciñas, xa que na responsabilidade individual está a clave. Despois de tantas semanas na mesma situación, aínda nos chegan noticias que dan moita rabia e temos que seguir recordándolle á xente que está prohibido facer festas nas casas, que é moito mais seguro reunirse nun bar cun par de amigos que facer unha festa na casa con dez ou quince, que os rapaces non anden as escondidas xuntándose nove ou dez facendo botellóns e festas en portais, parques ou prazas …”.
Francisco Iriarte conclúe: “non podemos baixar a garda, non podemos relaxarnos, debemos conseguir reducir os contaxios ou a lo menos que non sigan subindo para poder ter un Nadal tranquilo e o mellor posible”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
