Lugo, a 20 de novembro de 2020. O grupo provincial do PP anuncia a súa oposición a pechar en falso a extinción da sociedade Suplusa e avisa de que a relación da Deputación con Tragsa podería ter “algunha vertente xudicial distinta da contencioso-administrativa”. O portavoz provincial dos populares, Javier Castiñeira, explica: “Despois das declaracións do presidente e da vicepresidenta da Deputación, entendemos que o bipartito pretende cerrar en falso e á presa a disolución da sociedade mercantil Suplusa. O grupo provincial do PP mostrou o seu absoluto desacordo, que fixemos constar nas actas das reunións da comisión liquidadora, especialmente nas últimas”.
Castiñeira indica: “O Partido Popular quixo participar na comisión liquidadora, como consta na acta do pleno de inicio do proceso de disolución, en setembro de 2019, por varios motivos, un deles que non se fiaba do bipartito, porque era un proceso de animadversión clara de PSOE e BNG contra Suplusa; o BNG quería baleirar de contido a Deputación, empezando por Suplusa, como dixo a vicepresidenta”. Destaca que as liortas internas que tivo no pasado mandato o Partido Socialista afectaron ao funcionamento de Suplusa. Por outro lado, os populares –explica Castiñeira- quixeron estar na comisión liquidadora para defender os dereitos dos traballadores e os de numerosos concellos que teñen acordos e convenios coa Deputación para desenvolver solo industrial.
O portavoz popular asegura: “Non entendemos para nada que o presidente e a vicepresidenta falen de unanimidade, cando saben perfectamente, polas actas, que hai unha posición clara do PP de non pechar en falso o proceso de disolución. O bipartito quere pechalo canto antes”.
Os populares critican algunhas das manifestacións do presidente da Deputación. Castiñeira asegura: “Di que este proceso se fai para adelgazar a Administración. Iso é falso, e o claro exemplo é o servizo de xardinería, que antes prestaba Suplusa, cos seus traballadores, e que agora fai Tragsa, que resulta máis caro. Hai un proceso aberto no Contencioso no que o PP entende que a compra dunha acción de Tragsa pola Deputación de Lugo se fixo de maneira non legal. Este tema segue aberto”.
En canto aos traballadores -afirma Castiñeira- existe un problema laboral evidente cos xardineiros, que están en absoluto desacordo con ser subrogados a Tragsa. O que piden é que se subroguen á Deputación de Lugo, que é algo que tamén quere o PP de Lugo. Mentres non se resolva isto segue habendo un problema laboral cos traballadores de Suplusa.
Javier Castiñeira explica: “Doutro lado, o bipartito non aclarou nunca por que Tragsa usou material, equipamento e maquinaria de Suplusa sen a súa autorización. Estamos a falar de moitos cartos, dun ano e algún mes de uso de maquinaria. A voceira do grupo socialista non foi capaz de aclaralo cando, no seu día, llo preguntou o PP”.
Para os populares, “non hai certeza de que a Deputación queira cumprir os compromisos con todos concellos que firmaron convenios con Suplusa para desenvolver solo industrial. Mentres a Deputación non confirme que renovará eses compromisos, isto vaise pechar en falso con prexuízo para moitos concellos”.
O popular Javier Castiñeira lanza unha recomendación ao presidente José Tomé: “Non se apure, non peche en falso este proceso, porque ás veces querer ir moi rápido lévanos a non facer un proceso correcto e a ter moitos problemas de todo tipo: cos traballadores, xudiciais, de débedas entre Tragsa e Suplusa, cos Concellos que non están de acordo en que desaparezan os convenios. Este proceso pódese alongar moitísimo. O PP adiante que votará en contra sempre que nos se garantan os compromisos como se prometeu inicialmente”.
Datos reveladores
O deputado popular e viceportavoz do PP na Deputación José Antonio García aporta datos que resultan reveladores. Distingue entre liquidación e extinción de Suplusa. Así, explica que o pasado día 18 acabaron os traballos da comisión liquidadora, centrados basicamente na documentación mercantil, contable, técnica e xurídica. Esta documentación avala, segundo asegura, a xestión que fixo Suplusa todos estes anos en beneficio da provincia. García di que o balance de cesión global de Suplusa á Deputación e dun patrimonio de 22.460.000 euros, despois do desenvolvemento de polígonos industrias ao longo da provincia, a construción de residencias de maiores e o mantemento das zonas verdes da Deputación. Sinala: “No PP non compartimos para nada a visión negativa de Suplusa que quere dar o goberno provincial chamándolle “chiringuito”; todos os gobernos anteriores, incluídos os dos socialistas Gómez Besteiro e Darío Campos defenderon a Suplusa como entidade mercantil pública esencial”.
O mesmo viceportavoz popular sinala: “Concluídas as operacións mercantís, que se fixeron con todas ás da lei, o noso voto é favorable a este traballo. Agora ben, a extinción da sociedade corresponde aceptala ao pleno da Deputación e nós nestas últimas comisións expresamente manifestamos que propoñemos que a Deputación non extinga aínda Suplusa”. Detalla as razóns da proposta do seu grupo: non se cumpriu o anunciado polo goberno de que coa desaparición de Suplusa se adelgazaría a Administración e se reducirían custes; tamén que se manterían todos os servizos que prestaba Suplusa e se garantirían os dereitos dos traballadores. E non foi así. O goberno de Tomé adoptou decisións á marxe da comisión liquidadora, que no PP consideramos que son manifestamente ilegais”.
Os populares indican que mentres o goberno provincial dicía que se adelgazaría a Administración, a Deputación entrou por decreto no accionariado de Tragsa; os informes xurídicos –di García- demostran que o presidente Tomé, sen autorización da comisión liquidadora, tomou unha decisión que non lle correspondía, que foi encargar a Tragsa o mantemento das zonas verdes provinciais. Despois dun ano, vemos que supón 825.188 euros, un gasto moi superior ao que tiña cando era Suplusa a que atendía o servizo. Polo tanto, “non adelgazou a Administración, nin reduciu o gasto (é centos de miles de euros máis caro ao ano). Agrega: “Este presunto trato de favor a Tragsa podería ter algunha vertente xudicial distinta da contencioso-administrativa”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
