LUGO .- O Presidente da Deputación, José Ramón Gómez Besteiro, recibiu este xoves na Sala de Xuntas ós representantes dos tres Sindicatos – Comisión Obreiras, UXT e CIG- convocantes da manifestación de bombeiros de toda Galicia que partiu da rúa Monte Faro, con parada diante do edificio administrativo da Xunta, e rematou na praza de San Marcos. Gómez Besteiro anunciou que a principios de xuño está previsto que se reúna o Consorcio “porque a vontade da Deputación é desplegar coa máxima celeridade a rede provincial de bombeiros. Calquera cuestión ten que ser plantexada nesa reunión. O outro socio tamén ten moito que dicir, xa que representa o 50%. Ademais, hai que abordar outras cuestións como a formación dos traballadores e planificación. De todos os xeitos, a Deputación está a traballar no Consorcio actual baseado en que independentemente de onde se produza a incidencia a provincia ten que estar controlada”.
Gómez Besteiro, quen destacou a normalidade coa que transcorriu a concentración, explicoulles os pasos levados a cabo pola Deputación dende a posta en marcha do Consorcio en 2008. Deste xeito, o organismo provincial realizou investimentos por valor de 3.842.000 euros. Desta cantidade, 2,6 millóns foron para a adquisición de 12 vehículos (5 mandos todo terreo, 1 de rescate en altura, 2 mixtos de rescate e 4 urbanos lixeiros); 264.822 euros para equipamento xeral do parque de Barreiros; e 952.000 euros que é a aportación que realizou a Deputación ó Consorcio.
“Hai tres anos non había este tema para discutir porque enriba da mesa non existían nin recursos nin vontade política do Partido Popular para poñer en marcha esta rede”. A este respecto, Gómez Besteiro subliñou que “foi a Deputación a que puxo en valor o parque de Barreiros, que nin sequera tiña traída de auga, o cal é sorprendente nunha instalación destas características”.
Asimesmo, recoñeceu que este é un modelo único en Galicia, “polo que se se quere mudar hai que poñelo enriba da mesa. Antes isto non formaba parte da axenda política do Partido Popular. Ademais, fronte a un modelo anterior no que a aportación rondaba entre o 15 e o 20%, garantizamos que os Concellos non aporten nin un só euro. Isto é importante porque agora que se cifran políticas de aforro, esta é unha das que segue a Deputación de Lugo”.
Situación dos parques
Gómez Besteiro indicou que en 2010 abriranse as instalacións de Barreiros, Chantada, e Sarria. Proximamente rematarán as actuacións no parque de Vilalba e, a finais de ano, as de Viveiro, para que ambos os dous estén en funcionamento en 2011. Con respecto ó de Monforte, reiterou o compromiso de integrar este parque no Consorcio. Neste caso, un equipo técnico composto por representantes da Deputación e da Xunta visitou en febreiro as instalacións para avaliar as necesidades que ten esta infraestrutura, co obxectivo de proceder á súa integración.
Polo que se refire a Lugo, en marzo técnicos da Deputación, Xunta e Concello participaron nunha mesa de traballo para buscar fórmulas xurídicas que permitan a prestación de servizos á área de Lugo.
O 12 de febreiro de 2010 o Consorcio aprobou o Orzamento para este ano, que ascende a 1.815.539 euros, de tal xeito que cada ente consorciado se compromete a aportar o 50% (907.394 euros).
Respaldo dos Sindicatos á Deputación
Logo da xuntanza, as tres forzas sindicais manifestaron o seu respaldo á xestión levada a cabo polo Presidente da Deputación. O representante de Comisións Obreiras, Castor Fernández, subliñou que “o Presidente manifestou que entendía a nosa preocupación, polo que dixo que a Deputación vai se consecuente coa creación deste Consorcio. No resto de Deputacións este servizo está privatizado e parece que a Xunta agora quere modificar os Estatutos no caso da de Lugo. O Presidente deunos a súa palabra de que vai aguantar co Consorcio”.
Humberto Paz de UXT subraiou o carácter pacífico da manifestación, mentres que o representante da CIG, Xavier Picón, destacou que “se nos trasladou que a Deputación se vai manter firme neste modelo. Válenos a palabra do Presidente. Esta actitude debería de trasladarse a outras institucións provinciais”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
