Ribadeo, 22 de decembro de 2020. Viveiro e SD Compostela disputarán o LXIX Trofeo Emma Cuervo o vindeiro 30 de decembro. Arredor de 300 persoas poderán asistir ao encontro que foi presentado hoxe no Concello. No acto participaron, entre outros, o alcalde de Ribadeo, Fernando Suárez, o concelleiro de Deportes, Jorge Díaz, e o presidente do Ribadeo FC, Pedro Posada.
O presidente do club organizador anunciou que “o trofeo celebrarase o día 30 de decembro ás catro da tarde no estadio Pepe Barrera, entre os equipos de Viveiro CF e a Sociedade Deportiva Compostela. É a 69 edición e non é unha data especialmente importante para facer o partido, mais era prioritario que non pasara o ano 2020 sen que fixéramos unha nova edición. Era moi importante para a nova xunta directiva celebrar o trofeo aínda que sexa nunha data pouco frecuente porque, como sabemos todos, se celebra xeralmente no mes de agosto”.
Pedro Posada engadiu que “este ano contamos con estes dous equipos porque o Ribadeo era a nosa prioridade pero, como sabemos por unha nota oficial do Ribadeo FC, que este equipo non conta con protocolo para a competición e tampouco ten dilixenciadas as fichas dos seus xogadores, co cal o Ribadeo non sería unha solución oficial válida. De aí que tivemos sempre a colaboración do Viveiro CF e tamén da Sociedade Deportiva Compostela aos que temos que agradecer a súa colaboración desinteresada, o que temos que valorar na súa medida. Este ano, nos prolegómenos do partido, vaise entregar ao Viveiro, por parte do presidente da Federación Galega de Fútbol, o trofeo como campión da pasada liga da Rexional Preferente”.
Pedro Posada dixo: “agardamos que de Viveiro veña moita xente ademais dos siareiros de Ribadeo e máis os socios do noso club. Temos calculado un aforo de preto de 300 persoas, teñen preferencia os socios do Ribadeo para facerse cunha entrada do partido. Nas redes sociais do club xa puxemos que poden adquirse no bar Queimada, no Rincón del Gordo e no Lar de Manolo”.
O concelleiro de Deportes, Jorge Díaz, manifestou que “de parte do Concello, como todos os anos, imos colaborar neste trofeo emblemático que leva con este 69 anos facéndose. Como sempre imos da man co Ribadeo FC, que é o organizador do evento. É unha data especial porque é un ano diferente, distinto a todos os anteriores e non se quería perder esta edición. O Ribadeo insistiu en procurar que se realizase, e aí seguimos o Concello apoiando este trofeo para que perdure moito máis no tempo”.
O edil ribadense fixo fincapé en lembrarlles aos asistentes a necesidade de empregar máscara e de hixienizar as mans: “pedimos á xente que acuda, que polas circunstancias non vai poder ser moita, que manteña as distancias, que sexa prudente e que teña á súa disposición as armas coas que loitamos contra o covid como as mascarillas e os dosificadores de xel hidroalcohólico. E desexar que neste encontro entre o Viveiro e o Compostela que gañe o mellor”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
