Lugo, 15 de xaneiro de 2021. A Xunta de Galicia xa pagou o 92,4% das axudas aos 713 negocios de hostalaría da provincia lucense que se acolleron ao plan de rescate para persoas traballadoras autónomas, microempresas e establecementos hostaleiros pechados polas restricións sanitarias, posto en marcha polo Goberno Galego. Así o puxo de manifesto o delegado territorial da Xunta en Lugo, Javier Arias, quen chamou a atención sobre o compromiso da Xunta para atender estas solicitudes, dedicando 2 millóns de euros, en resposta a esas 713 peticións aceptadas, dun total de 771 presentadas en toda a provincia lucense.
Arias Fouz destacou que a porcentaxe dos pagos realizados aínda mellora algo máis en Lugo, xa que foron abonadas o 93% das axudas económicas, nun concello ao que se destinarán 1,1 millóns de euros. Esta partida dedicarase a atender as peticións dos 428 establecementos hostaleiros, e que supoñen o 60,3% de todos os negocios do sector que funcionan na cidade.
Os 713 negocios hostaleiros da provincia acolléronse ao Plan de Rescate posto en marcha pola Xunta, que permitiu a máis de 14.700 hostaleiros galegos recibir un apoio económico que suporá un importe total de 23,7 millóns de euros. Proba da receptividade do sector a este plan de rescate, que contemplaba tres liñas de axudas á hostalaría, autónomos e microempresas, é que o 70 por cento dos hostaleiros galegos tiveron acceso ao mesmo.
Este plan permitiu ademais que unha alta porcentaxe dos negocios afectados pola crise económica e as restricións sanitarias provocadas pola COVID-19 puideran beneficiarse de varias liñas de axudas. A contía mínima percibida para un mes de peche foi de 1.500 euros, mentres que a máxima alcanzou os 8.500 euros.
Segundo Plan de Rescate e Fondo de Cooperación para Hostalaría
Ante as recentes restricións acordadas polo comité clínico e os novos peches aos que terá que facer fronte o sector, a Xunta de Galicia xa está a traballar en futuras liñas de axudas e apoios directos á hostalaría. Sen dilación, e en coordinación co sector hostaleiro e cos representantes do diálogo social, porase en marcha un segundo plan de rescate que permita ás actividades máis afectadas polas restricións sanitarias recibir liquidez cara a manter o emprego nos próximos meses.
Ademáis, os representantes provinciais da hostalaría e o Goberno galego veñen de propoñer, por outra banda, un fondo de cooperación Covid-19, no que estean implicados deputacións e concellos, co obxectivo de evitar o peche das empresas e autónomos do sector.
Seguindo a liña adoptada por outras comunidades autónomas, este novo fondo integraríase ao 50% con achegas da Administración autonómica, ao 30% das deputacións e o 20% dos concellos.
O delegado territorial da Xunta en Lugo fixo fincapé na necesidade de implicar a todos os sectores e administracións neste proxecto, apelando máis que nunca a actuar con altura de miras, máis aló de cores políticas ou debates estériles sobre competencias.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
