SANTIAGO .-Comeza a veda do polbo que rematará o vindeiro 5 de xullo, así o recolle a resolución do 11 de maio de 2010 da Dirección Xeral de Ordenación e Xestión dos Recursos Mariños, pola que se establece a veda para o polbo para o ano 2010.
* A campaña extractiva remata mañá ás 18:00 horas da tarde e retomarase o 5 de xullo ás 6:00 horas da mañá
Santiago, 27 de maio de 2010.- Mañá comeza a veda do polbo que rematará o vindeiro 5 de xullo, así o recolle a resolución do 11 de maio de 2010 da Dirección Xeral de Ordenación e Xestión dos Recursos Mariños, pola que se establece a veda para o polbo para o ano 2010, publicada no Diario Oficial de Galicia do 21 de maio.
Segundo recolle o texto, as nasas de polbo deberán ser levantadas e levadas a porto o venres 28 de maio ás 18:00 horas da tarde e non poderán volver a calarse ata as 6:00 horas da mañá do luns 5 de xullo.
Esta resolución enmárcase na Orde do 22 de decembro de 2009, pola que se aproba o Plan Xeral de Explotación Marisqueira, que desenvolve o plan para a xestión pesqueira do polbo e establece as condicións para o seu desenvolvemento. O artigo 9.1.b) desta orde dispón que “se poderá establecer un período de veda de dous meses continuados no período comprendido entre abril e setembro, tendo en conta o estado do recurso e a opinión do sector afectado”.
Así, tras unha xuntanza cos presidentes das tres federacións provinciais e con representantes do sector, a Consellería acordou establecer a veda. A Dirección Xeral de Ordenación e Xestión dos Recursos Mariños insiste en que o cese da campaña, tal e como conclúen informes técnicos, non resulta eficaz se non se acompaña con outras medidas. Neste sentido, cabe destacar as recollidas no Plan de Explotación Marisqueira de 2010 que inclúen a redución de dúas horas no horario de traballo, o cómputo diario, o mantemento dun quilo na talla mínima e os topes de capturas, todas elas establecidas para garantir a conservación, protección e rexeneración desta especie.
Cambio de horario e dos topes
A partir do 5 de xullo, e tal e como se consensuou co sector, o horario de traballo será de 7:00 a 17:00 horas, en lugar do actual, que é de 6:00 a 16:00 horas. Ademais, ampliarase ata os 210 quilos o tope diario para as embarcacións de 6 tripulantes e ata os 350 quilos na campaña de inverno. Estes novos topes e horarios comezarán a aplicarse unha vez que estea modificada a Orde do Plan Xeral de Explotación Marisqueira, que se publicará antes de que se reanude a campaña extractiva do cefalópodo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
