Burela, 23 de xaneiro, 2021. O atrevemento e a valentía Pescados Rubén deron a cara ante o gran potencial de Jimbee Cartagena, que soubo como atar a vitoria no seu feudo (7-4). Tras o axustado marcador de 2-1 ao descanso e gran perigo visitante, a escuadra laranxa estrelouse contra a solvencia da rede local con Raúl como o protagonista da xornada. Os galegos estaban moi vivos pero o 3-1 fixo moito dano; aínda que seguiron pelexando, o gran potencial de Cartagena soubo como responder a cada reacción goleadora dos da Mariña para distanciarse.
Os pupilos de Juanma Marrube saltaron ao Palacio dos Deportes coa coraxe e a garra por bandeira. Así protagonizaron o perigo nos primeiros minutos con Raúl como a gran referencia nas filas murcianas. No 2 avisaron Pazos, de disparo cruzado, e Matamoros, en contragolpe. Despois de dúas de ouro de Iago Míguez e Quintela, no 6, Duda quixo cambiar a orde do partido pedindo tempo para evitar que os galegos gañasen as costas ás filas locais. Con todo, o Pescados Rubén conseguiu adiantarse coa serenidade e elegancia de Álex Diz, no 7, en xogada individual pola banda e disparo cruzado. Unha vantaxe máis que merecida que Bebe neutralizou na seguinte xogada pola escuadra, asistido por Marinovic. Gañou en presenza Jimbee con dúas boas intervencións de Edu, ante Lucão e Waltinho para dar paso ao protagonismo de Raúl. O meta cartaxeneiro aliouse co pau para frear a Renato no 11 e depositou o ataque en Solano para adiantarse no 12, atopando o espazo idóneo fronte a Giasson. Juanma Marrube pediu aos seus tranquilidade e orde e os laranxas non cesaron no seu asedio aínda que definitivamente Raúl volveu converterse no salvador para desartellar o empate fronte a Álex Diz, no 17 a pase de Javi Rodríguez, e no 18 con David Pazos nun contraataque de Renato.
Non puideron devolver táboas os burelistas na continuación, cunha grande intensidade. Matamoros e Pazos volveron ser os primeiros en merodear a rede local, tívoa Quintela de cabeza, pero foi Jimbee o que atopou o gol para ampliar distancias, co 3-1 (minuto 24), de Marinovic en estratexia, desde saque de esquina de Bebe. O Palacio dos Deportes viviu un ecuador do segundo acto de infarto. No 29, un mísil de Renato, desde balón parado de Matamoros, conseguiu reducir distancias co 3-2, pero antes de chegar ao 30, Cartagena ampliou por partida dobre de Waltinho, en estratexia primeiro e máis tarde en transición. Pescados Rubén non estaba disposto a baixar os brazos e respondeu no 31, con Iago Míguez culminando un centro de Giasson para o 5-3. O meta de Cartagena volveu conservar os intereses dos da casa con tres grandes arremetidas de Iago Míguez, Pazos e Loito; cando máis estaban sufrindo os de Duda aproveitaron a oportunidade de Avellino para poñer o 6-3 (minuto 34). Volveu estrelarse a avalancha galega fronte a Raúl, con Quintela e Matamoros, e de novo Jimbee reafirmou a súa eficacia, co letal Solano (minuto 36). Burela ratificou a súa coraxe sen deixar de pelexar e atopou o definitivo 7-4, con Giasson a falta de dous para o final.
Regreso da liga
Tras o descanso ligueiro da próxima semana, con calendario de seleccións, o Pescados Rubén Burela FS volverá á competición o sábado 6 de febreiro, coa visita de Córdoba Patrimonio de la Humanidad a Vista Alegre (18.30 horas).
Ficha técnica
Jimbee Cartagena FS: Raúl, Avellino, Franklin, Lucão, Solano, cinco inicial; tamén xogaron Bebe, Mellado, Andresito, Marinovic, Waltinho, Jesús, Fran Fernández
Pescados Rubén Burela FS: Edu, Matamoros, Renato, Giasson, David Pazos, cinco inicial; tamén xogaron Quintela, Lucho, Iago Míguez, Álex Diz, Javi Rodríguez
Goles: 0-1, minuto 7, Álex Diz; 1-1, minuto 7, Bebe; 2-1, minuto 12, Solano; 3-1, minuto 24, Marinovic; 3-2, minuto 29, Renato; 4-2, minuto 30, Waltinho; 5-2, minuto 5-3, minuto 31, Iago Míguez; 6-4, minuto 34, Avellino; 7-3, minuto 36, Solano; 7-4, minuto 38, Giasson
Árbitros: Blas Alonso // Romero Candela. Por Cartagena amarela para Marinovic. Por Burela amarela para Matamoros, Iago Míguez
Incidencias: Partido correspondente á xornada 18 de Primeira División Masculina disputado no Palacio dos Deportes de Cartaxena.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
