Lugo, 26 de xaneiro de 2021. O bigoberno provincial, presidido polo socialista José Tomé, persiste na súa negativa a deseñar e aplicar o plan de reactivación da economía provincial, proposto polo PP. Socialistas e nacionalistas rexeitaron a emenda defendida polos populares, por boca de José Antonio García, para mellorar a proposta do goberno na que se limitaba a pedir recursos á Xunta.
O portavoz provincial do PP, Javier Castiñeira, ao finalizar a sesión plenaria sinalou: “A valoración que fai o grupo provincial do PP deste pleno é moi similar a outros anteriores. Volvemos ver que o goberno da Deputación dá as costas aos intereses de todos os lucenses. Demos unha nova oportunidade para que a Deputación de Lugo se unira a ese fondo de reactivación para o tecido económico e volven a opoñerse, rexeitando a emenda do PP, igual que fixo en xuño, para que a Deputación deseñe e execute un plan de reactivación, por importe de catro millóns, e acompañe á Xunta e a outras administracións na tarefa de velar polos intereses da economía lucense”.
Castiñeira tamén sinalou: “Chámanos poderosamente a atención que tamén se poñan de costas aos veciños de Carballedo, onde varias asociacións pediron o arranxo de varias estradas e o goberno da Deputación vota en contra desa petición veciñal. Imos seguir traballando nese sentido; non entendemos porque non hai intención de mellorar esas estradas, pese a que Carballedo leva moitos anos abandonado da man da Deputación. Non se pode falar do rural e dicir que se cre no rural e, ao mesmo tempo, ter as estradas no estado lamentable en que as ten a Deputación. Sorprendidos especialmente polo BNG que, parece ser, algúns días antes propuxo aos veciños buscar solucións”.
No apartado de preguntas, os populares interesáronse por coñecer se o presidente da Deputación tomou a decisión de anular os convenios que tiña asinados a extinta Suplusa cos concellos da provincia, para a creación de solo industrial e centros de atención a maiores. Esta cuestión expúxoa o deputado José Antonio García, que sacou en conclusión que, efectivamente, o goberno dá por caducados eses acordos. García tamén formulou unha pregunta para coñecer se se está estudando polo goberno provincial a posibilidade de subrogar na Deputación aos traballadores da extinta Suplusa que estaban dedicados ao mantemento das zonas verdes provinciais, e que agora están en Tragsa; os populares querían coñecer se o goberno rectificaría a decisión tomada no seu día e criticada polos populares, e, finalmente, incorporará a eses traballadores ao cadro de persoal da Deputación. A resposta do goberno non aclarou nada, pero deu a entender que non haberá cambios.
Os populares expuxeron varios rogos ao goberno provincial. Por un lado, Óscar Poy solicitou que a Deputación adopte as medidas necesarias para acometer unha reforma en profundidade das instalacións da Escola Lucense de Piragüismo, que se no seu momento probablemente reunían boas condicións a día de hoxe precisan unha adaptación aos tempos actuais.
Polo seu lado, José Antonio García solicitou que en Sarria se leve a cabo o repintado da sinalización horizontal da rúa José Antonio, que é parte da estrada provincial LU-P-5714 Mazadoiro (LU-546) Lamarrigueira (LU-546); a este respecto, parece que a Deputación ten previsto executar esa obra.
A súa vez, o portavoz popular, Javier Castiñeira, solicitou a mellora das estradas provinciais LU-P 6103 e LU-P 6104 que, respectivamente, comunican Trabada con San Cosme de Barreiros e coa parroquia de Sante e, finalmente, con San Tirso de Abres (Asturias). Nos dous casos, o deterioro do firme crea problemas para a seguridade vial, especialmente na LU-P 6103. Na outra estrada o risco para o tráfico é aínda maior, pois nalgún punto, como ocorre a altura de Xuga, prodúcense afundimentos do pavimento.
Mocións do PP
Dentro da orde do día quedou aprobada, co apoio dos votos do BNG, a iniciativa dos populares para instar ao Goberno central a corrixir os artigos do proxecto da Lei de Cambio Climático que penalizan as concesións e para que acepte as alegacións do sector mar-industria. O voceiro, Javier Castiñeira, subliñou que se trata dunha norma que foi deseñada “sen consenso e de costas ao sector”. Concretamente, o popular sinalou a importancia de que se eliminase o artigo 18, xa que “están en xogo centros de postos de traballo e moitos millóns de inversión”, ao afectar ás piscifactorías e ás depuradoras da Mariña.
Castiñeira considera que continuar coa tramitación dunha Lei de Cambio Climático e Transición Enerxética xerará graves problemas de seguridade xurídica e viabilidade nas inversións a medio e largo prazo, o que agravará, aínda máis se cabe, as consecuencias que está padecer a provincia coa xestión do mesmo Ministerio que impulsa esta normativa, e que afectan a Alcoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
