Santiago de Compostela, 15 de febreiro de 2021. A Consellería do Medio Rural xunto coa Vicepresidencia Primeira e Consellería de Presidencia, Xustiza e Turimo e a Axencia para a Modernización Tecnolóxica de Galicia (Amtega) veñen de poñer en marcha a nova prestación do servizo de Atención e Información á Cidadanía a través do teléfono 012, mediante o cal os cidadáns poden presentar a necesaria declaración responsable de aproveitamentos madeireiros para uso doméstico de forma telefónica.
Deste xeito, aquelas persoas que por diversos motivos teñen dificultades para realizar o trámite a través da Sede Electrónica da Xunta, poden presentalo a través deste teléfono. Este servizo soamente está dispoñible para aquelas cortas de madeira cuxo destino sexa o uso doméstico -frecuentemente para leñas- e que non vaian ser obxecto de comercialización.
Neste senso, os axentes do 012 comproban que as parcelas onde se vai realizar a corta non teñan afeccións sectoriais ou de protección do dominio público, xa que nese caso debe tramitarse unha solicitude de autorización polo procedemento ordinario.
As persoas interesadas deberán dispoñer da información básica do aproveitamento -especies, número de árbores, peso ou volume aproximado e referencia catastral da parcela- no momento da chamada, e serán guiadas ata a completa presentación da súa declaración responsable, cubríndose os mesmos datos que no procedemento da Sede Electrónica.
Este procedemento debe conxugar as facilidades para o cidadán coa necesaria seguridade xurídica, polo que as chamadas serán gravadas e comprobarase a identidade da persoa a través dos datos do seu DNI. Unha vez presentada a declaración responsable, esta incorpórase inmediatamente ás aplicacións de xestión de aproveitamentos madeireiros que emprega a Dirección Xeral de Planificación e Ordenación Forestal para a inspección e control dos mesmos. De xeito paralelo, o expediente é remitido á Carpeta Cidadá da persoa interesada, polo que no caso de que acceda á Sede Electrónica cun certificado dixital ou Chave365 poderá ver e descargar o documento xustificativo da presentación.
Unha vez rematada a chamada telefónica coa presentación da declaración responsable, as persoas interesadas xa poderán realizar o aproveitamento doméstico (leñas) e non comercial cando o desexen.
Compromiso da Xunta
Con este novo servizo, a Xunta afonda no seu compromiso de achegamento aos cidadáns a través da simplificación de trámites administrativos e a atención a colectivos con dificultades de acceso a medios electrónicos.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
