MONDOÑEDO .- Antonio Veiga, delegado de Cultura e Deportes da Deputación de Lugo, deu a saída hoxe á 2ª etapa da Volta Ciclista ás Comarcas de Lugo en Mondoñedo, onde tamén se produciu a chegada da etapa. Xunto ao nacionalista Antonio Veiga estivo o alcalde mindoniense, o tamén nacionalista Orlando González, e o presidente do Club Ciclista Cidade de Lugo, organizador da proba, Eugenio Paz.
O delegado de Cultura e Deportes da Deputación tamén foi o encargado de entregar os premios aos vencedores da clasificación xeral e das diferentes categorías. Ademais, Antonio Veiga seguiu o transcurso da proba moi de preto, a bordo dun dos vehículos de seguimento da carreira acompañado de Eugenio Paz.
Nesta segunda etapa da Volta Ciclista ás Comarcas de Lugo, con saída e chegada en Mondoñedo, os corredores tiveron que facer fronte a 108 quilómetros no seu transcurso por diferentes concellos da mariña. As metas volantes para a puntuación estiveron en Barreiros e Ribadeo, mentres que os sprints especiais foron repartidos entre Alfoz, Santiago de Reinante e Lourenzá. Logo da etapa de transición con apenas desniveis na que onte gañou o ruso do Ferroatlántica,Vladimir Shchekunov, na etapa de hoxe só un par de portos de terceira (alto da Couboeira) e de segunda (alto da Cadeira) puxeron en apertos aos corredores.
A etapa realmente dura e decisiva terá lugar mañá, con saída e chegada en Monforte de Lemos, pero na cal os corredores terá que ascender ao alto do Poio, un porto de primeira categoría, así como ao alto do Boi, de segunda, e o alto de Aira-Padrón, de categoría especial. As metas voantes estarán situadas en Bóveda e Quiroga, mentres que os sprints especiais disputaranse en Rubián e Laxosa.
Oiarzun, novo líder da III Volta
O corredor do Froiz, Carlos Oyarzun, vencedor da edición anterior da Volta Ciclista ás Comarcas de Lugo, é o novo líder da xeral tras unha escapada en solitario a partir do porto de montaña de Cadeira. O ciclista do Froiz logrou desfacerse do grupo de escapados cun forte ataque que lle serviu para chegar en solitario á meta e sacar máis de un minuto e medio aos perseguidores, logrando así o primeiro posto da xeral e relegando ao ruso Vladimir Shchekunov ao segundo posto da clasificación xeral.
A etapa transcorreu pola comarca da Mariña cun ritmo altísimo desde o inicio, propiciando que o pelotón avanzase a gran velocidade até o momento no que se produciu a fractura dun grupo de escapados, entre os que se atopaba ben situado o ciclista do Froiz, Carlos Oyarzun. Deste grupo escapado, Oyarzun logrou desfacerse na subida á Cadeira, co que entrou en solitario na meta de Mondoñedo situándose primeiro da clasificación xeral.
Nesta III Volta Ciclista ás Comarcas de Lugo participan máis dun cento de corredores dos equipos participantes: ademais do local Cidade de Lugo, os galegos do Chin Autronic de Vigo, Aluminios Cortizo de Padrón, Renault Caeiro de Cambre, Caixanova do Porriño e o Supermercados Froiz do Poio; os españois Caja Rural do País Vasco, Azysa-Cetya-Conor de Navarra, Camargo-Ferroatlántica de Cantabria, Diputación de León (de León), o Ciudad de Oviedo e Construcciones Paulino de Asturias e o Inverse de Murcia, aos que hai que engadir o Maia de Portugal e o Lokomotiv ruso.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
