Ribadeo, 27 de febreiro de 2021. O edil de Medio Rural, Jesús Mundiña, despediuse dos seus compañeiros de Corporación Municipal no pleno extraordinario e urxente celebrado na tarde noite de onte no Concello de Ribadeo.
Mundiña Acebo asegurou que circunstancias imprevistas de tipo persoal lle impiden poder dispor de todo o tempo que lle gustaría para poder atender as súas tarefas como concelleiro de Medio Rural. Agradeceu o convite do alcalde, Fernando Suárez, para integrar a lista do BNG hai dous anos, dixo que foi unha honra formar parte da Corporación Municipal de Ribadeo e que así lle deu continuidade á súa vida profesional, aínda que se atopou “cunha realidade socio económica moi cambiada”. Jesús Mundiña subliñou que nestes meses “traballou cos veciños” en alusión ao seu continuo contacto coas asociacións veciñais para coñecer as necesidades de cada recuncho de Ribadeo.
O rexedor dixo: “quero encomiar a túa entrega diaria e honesta, sempre ao pé do canón, e a preocupación por moitos aspectos”. E agradeceu “a labor realizada, o teu espírito, a túa templanza e a túa actitude en nome de todas e todos os compañeiros do equipo de goberno”.
A Corporación Municipal por unanimidade tamén lle deu o visto bo ao obradoiro de emprego conxunto que solicitarán os Concellos de Ribadeo e de Barreiros para promover e difundir o patrimonio local. Denomínase Territorio Vivo e estará dirixido a 16 xoves desempregados menos de 30 anos e que estean incluídos no programa de garantía xuvenil. O alcalde, Fernando Suárez, na súa intervención dixo que “o primeiro obradoiro que estamos a realizar conxuntamente está a funcionar ben, de aí que como se abriu unha nova convocatoria por parte da Xunta de Galicia, decidimos plantexar este segundo coa intención de darlle continuidade en parte ao traballo que se está a facer e tamén pensando no turismo que se desenvolverá, tras esta pandemia, pensamos na creación dunha nova xeorruta en Ribadeo e dunha ruta entre Barreiros e Ribadeo”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
