Lugo, 9 de marzo de 2021. A Deputada de Réxime Interior, Promoción do Territorio e Turismo, Pilar García Porto, anunciou este martes a posta en marcha da acción formativa Promoción e Comercialización de Produtos e Servizos Turísticos Locais, unha nova iniciativa promovida pola Deputación de Lugo dentro do seu apoio a unhas das actividades económicas máis prexudicadas pola pandemia como son o turismo e a hostalería.
Cincuenta traballadores e traballadoras de entidades locais e membros das corporacións municipais da provincia poderán beneficiarse desta formación en liña de 100 horas de duración. Tal e como recolle o Boletín Oficial da Provincia (BOP) de hoxe, as persoas interesadas poden inscribirse ata o próximo día 17 de marzo, ás 13:00 horas. Para facelo, deberán enviar a documentación solicitada ao correo formacion@deputacionlugo.org
García Porto sinalou a importancia desta formación para favorecer a recuperación do turismo e o impulso á economía. “Dentro das competencias e cos recursos dos que dispoñemos, dende a Deputación de Lugo seguimos traballando para apoiar ao sector con esta nova acción, coa que dotamos de ferramentas aos concellos da provincia para que adquiran a capacidade suficiente como para desenvolver e xestionar produtos turísticos. Para iso, abordaranse estratexias de comercialización de produtos locais e o uso do marketing de servizos na creación e promoción dos recursos da contorna local ou comarcal”, subliñou a Deputada de Promoción do Territorio e Turismo.
Esta medida enmárcase no Plan de Impulso da Economía da Provincia, promovido pola institución provincial para apoiar aos sectores produtivos máis afectados polas restricións sanitarias, sobre todo a hostalería, o turismo e o comercio local, con accións que combinan, por unha parte, a inxección directa de recursos, e, por outro, a creación de valor engadido e a xeración dun efecto multiplicador na economía para favorecer unha recuperación sostible, estable e eficaz do tecido produtivo.
A formación, que comezará o día 5 de abril e se estenderá ata o 15 de xuño, conta con catro bloques de formación, nos que se analizarán o Marketing Turístico; Proxectos de Comercialización de Produtos e Servizos Turísticos Locais; O Sistema de Relación Cliente-Empresa no sector da Hostalería e o Turismo; e a Utilización das Tecnoloxías da Información na Promoción do Destino e para a Creación e Promoción de Produtos Turísticos no Entorno Local. Unha vez rematada a formación, o alumnado que a supere recibirá un diploma acreditativo.
Favorecer o sector turístico
Este plan formativo enmárcase no compromiso da Deputación de Lugo de loitar contra os efectos da crise sanitaria no sector turístico e hostaleiro. A Deputación incrementou no Orzamento de 2021 un 10% as partidas dedicadas ao eido do turismo, ata chegar aos 3M€. Ademais, o Plan de Impulso da Economía da Provincia de Lugo contempla unha inxección económica de máis de medio millón de euros nos negocios hostaleiros e comerciais co reparto de 17.000 bonos, que terán un beneficio directo e inmediato, ademais de dous programas que fomentarán o turismo de proximidade: Coñece a túa provincia, que promoverá viaxes dunha xornada, en pequenos grupos e por distintos puntos da xeografía lucense; e Saborea a túa provincia, que fomentará o consumo dos produtos lucenses a través de xornadas gastronómicas e lúdicas por toda a provincia.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
