RIBADEO (FNC) .- O alcalde, Fernando Suárez, fíxolle chegar á Xunta a fonda preocupación que hai en Ribadeo pola falla de prazas na escola infantil para acoller a todos os nenos de 0 a 3 anos que as necesitan. O rexedor lembroulle ao xerente do Consorcio Galego da Igualdade e do Benestar que a Xunta aceptou a cesión dun terreo de propiedade municipal hai meses para construír alí unha segunda escola infantil en Ribadeo.
Suárez Barcia contou que “eu fun alí cunha preocupación moi fonda que temos en Ribadeo e si cadra agudizada por estes números dos últimos días dos pais e nais que non poden levar os seus nenos á gardería pública de Ribadeo porque está saturada. Aínda que as prazas se ampliaron hai tres anos, o certo é que en Ribadeo, como lugar vivo que é, cada vez hai máis xente e máis nenos e nenas que nacen ou que veñen de fora e faise urxentísimo que a Xunta cumpra co compromiso que nós lle arrancamos ao goberno bipartito de crear unha nova escola infantil de 0 a 3 anos, para eso xa vai para dous anos”. O alcalde lembrou que “o Concello acordou en pleno por ampla maioría ceder un terreo propiedade municipal na rúa Paco Lanza para que alí se construíse ese centro. Tempo despois a Xunta aceptou a cesión desa parcela, pero desde daquela, e xa pasou un ano do cambio de goberno, non temos nada”.
O rexedor ribadense confía “nas boas e sinceras palabras do xerente, dixo que tentarán mirar si se pode meter no seguinte plan que se ten que dilucidar antes de que entremos de cheo neste verán de 2010. Confío en que, aínda que as cousas non sexan inmediatas, non se demoren e que dentro de pouco tempo se liciten os proxectos de redacción e máis obras seguidamente. Digo esto porque Ribadeo, con moito respecto para os outros concellos, é un sitio que non perde poboación, hai moita xente nova, os pais e as nais para poder conciliar a vida familiar e a laboral deben ter escolas públicas de 0 a 3 anos e prazas suficientes para poder levar aos seus nenos alí”. Fernado Suárez considera que “despois da ampliación que se lle fixo á gardería actual eso non da máis de sí, non pode ser novamente ampliada porque non hai máis espazo e o que ten que facer agora a Xunta é dunha vez recuperar ese tempo perdido deste ano, confío nas palabras do xerente que aínda que non me puxo data e prazos concretos díxome que eran conscientes da situación de Ribadeo. Os pais están moi preocupados por todo esto”.
O xerente do Consorcio espúxolle ao rexedor de Ribadeo no encontro que mantiveron esta mañá en Santiago os plans da Xunta para a integración de dito Consorcio na Axencia Galega de Servizos Sociais.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
