Lugo, 31 de marzo de 2021. A Xunta de Galicia vén de levar a cabo unha campaña de inspección de 18 pontes e viadutos correspondentes a seis estradas da rede autonómica de dez concellos da provincia de Lugo.
O delegado territorial, Javier Arias, explicou que esta actuación enmárcase no Programa de inspección de pontes e obras de paso nas estradas autonómicas, un programa pioneiro co que a Consellería de Infraestruturas e Mobilidade vén realizando controis e inspeccións periódicos sobre o estado destas infraestruturas de cara a previr posibles deterioros e garantir o bo estado de conservación.
Os controis realízanse coa axuda dun camión especial que permite comprobar a parte inferior do taboleiro e os apoios da estrutura -estribos e piares-. Os traballos foron adxudicados á empresa de enxeñería especializada K2-Applus.
As inspeccións desenvolvéronse durante a segunda quincena de marzo, en todos os casos sobre estruturas con luces iguais ou superiores a tres metros. En concreto, comezaron o día 15 na estrada LU-633, nas pontes sobre o río Barrela e sobre o encoro do Miño en Portomarín. Nesta estrada tamén se controlou un paso en San Martiño (Samos).
No corredor CG-2.2, entre Nadela e Monforte de Lemos, analizáronse oito infraestruturas, ao seu paso por Bóveda, O Incio e Sarria. Neste último concello tamén figura a ponte sobre o río Sarria na LU-536 , e finalmente na LU-533 inclúese o viaduto que une os municipios de Chantada e O Saviñao.
No que respecta á zona norte, inspeccionáronse catro viadutos do corredor da Costa, CG-2., (San Cibrao-Celeiro), todos eles no concello de Xove, así como a ponte sobre o río Xestosa que conecta Ourol e Muras na LU-540.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
