Ribadeo, 31 de marzo de 2021. O concelleiro de Medio Rural, Marcos Villamil, e o alcalde, Fernando Suárez, supervisaron as obras de mellora en varias pistas en Remourelle. O investimento roldará os 40.000 euros. O novo edil do goberno municipal dixo que asume o seu cargo con ilusión.
Villamil dixo: “collo o meu cargo con toda a ilusión do mundo, como principiante, pero con todo o apoio dos meus compañeiros do goberno municipal, que xa levan tempo loitando polos intereses dos veciños e das veciñas de Ribadeo”.
O concelleiro de Medio Rural subliñou que “eu tentarei traballar polo medio rural, polas parroquias deste concello, tanto do interior como da costa. Sei que as circunstancias económicas xerais non son boas e estou seguro de que hai moitas máis necesidades que recursos. Pero desde esta área que vou levar tentarémolo facer o mellor posible”.
Marcos Villamil explicou que “hoxe concretamente estou en Remourelle supervisando unhas importantes e demandadas obras de mellora do afirmado de varias pistas desta localidade. A situación destes camiños era realmente lamentable, case non pasaban os vehículos agrícolas; e agora, a través do Plan Único do Concello de Ribadeo xunto coa Deputación de Lugo, imos actuar nos próximos días”.
O edil ribadense engadiu que “a obra foi adxudicada a Construcións Saa, de Foz, e o importante orzamento é de practicamente 40.000 euros. Os traballos que se farán son os seguintes: saneamento das zonas deterioradas, nivelación e rasanteo da plataforma actual, afirmado cunha capa de zahorra artificial, limpeza de gabias, obras de fábrica e limpeza dos canos existentes”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
