Ribadeo, 5 de abril de 2021. O alcalde, Fernando Suárez, fixo balance da Semana Santa e salientou que 1.209 persoas pasaron estes días polas oficinas de turismo de Ribadeo e das Catedrais, e que a ocupación hoteleira roldou o 70%. O rexedor dixo que as cifras están moi lonxe das rexistradas nos anos anteriores á pandemia, pero considera que son positivos porque Ribadeo segue a ser un lugar atractivo e sen masificación, que é elixido por moitas persoas para desconectar e descansar. As Xeorutas e as visitas guiadas polo Ribadeo Indiano e Ilustrado, marcadas polas limitacións da covid-19, colgaron o cartel de completas.
Suárez Barcia indicou que “nesta Semana Santa tan singular con tan pouco movemento, con todo e a pesar de todo isto, tivemos datos positivos dado que o total de viaxeiros atendidos nas dúas oficinas de turismo que temos aquí en Ribadeo, unha delas na vila e outra na praia das Catedrais estes días de Semana Santa, atendemos a 1.209 persoas, 415 na da vila e practicamente o dobre, 794, no punto de información turística das Catedrais”.
O alcalde ribadense contou que “no tocante á procedencia, como non pode ser doutra maneira, todos os viaxeiros eran galegos e galegas, sempre acompañados ben pola familia ou ben pola parella. Destacar que a xente viña de cidades coma Vigo, da Coruña ou de Ourense, buscando escapadas para desconectar e para reconectar coa natureza, e qué mellor que Ribadeo para todas estas cuestións”.
Fernando Suárez dixo que “a ocupación hoteleira, polo que puidemos saber durante este período, roldou aproximadamente o 70%, logo de preguntar a unha parte importante do sector e de facer as correspondentes aproximacións estatísticas”.
O rexedor engadiu que “tamén temos que dicir que durante esta Semana Santa, e co fin de potenciar a imaxe turística de Ribadeo como destino de cultura e tamén de natureza, organizamos unha serie de visitas guiadas gratuítas. Temos que destacar que todas elas estiveron limitadas por mor da Covid-19, pero que todas colgaron o cartel de completo. Quere isto dicir que, si a partir de agora as vacinas chegan de verdade en número e cantidade e podemos ter estes obxectivos na época estival, seguramente non sexa un verán como foi evidentemente o de hai anos, pero Ribadeo séguese poñendo como un lugar atractivo, non masificado e con moito que ver de cultura e de natureza”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
