Burela, 9 de abril de 2021. Aprobada inicialmente no pleno celebrado onte no Concello de Burela cos votos a favor do PSOE, a abstención do BNG e os votos en contra do PP, a nova ordenanza sobre o peche de fincas e valados, que busca mellorar esteticamente a imaxe da vila. Na sesión tamén se deu conta das novas zonas que o Concello está a preparar para facilitar a práctica do sendeirismo como son Pomeda, Vilar e Vila do Medio, onde se pode disfrutar da beleza dunha fervenza, entre outros atractivos.
O alcalde burelés, Alfredo Llano, explicou que “se presentou a aprobación a nova ordenanza municipal reguladora dos valados de parcelas. Esta normativa sae como consecuencia de poñer un pouco de referencia á hora de de facer os valados. O que queremos nosoutros, a través desta regulación, é permitir que exista unha harmonía, unha integración, unha referencia e que todo o mundo teña claro como pode facer os valados nas zonas diferenciadas de Burela, xa sexan solares ou fincas. O que pretendemos con isto non é comprometer aos veciños para que o fagan xa, senón dicirlles como poden facelo para que haxa unha coherencia e organización, e si se chega a Burela que se vexa unha certa harmonía nestes aspectos. Pensamos que isto era algo que tíñamos que facer porque tiña que estar contemplado no Plan Xeral. Tíñamos que facer unha regulación parcial porque existía unha normativa que xa se viña aplicando, pero con esta regulación pensamos que isto se facilita e mellora o aspecto visual, estético e que funcione dunha maneira integral. Agora, unha vez publicada no BOP, vai haber quince ou vinte días para que a xente poida presentar alegacións que complementen esta normativa nos seus articulados. Aprobouse cos votos do grupo de goberno, o BNG abstívose e o PP, con todo recoñecer que a normativa era válida, votou en contra, eles saberán porqué. Nosoutros contamos que isto é algo positivo para o conxunto da veciñanza de Burela”.
Autoridade Portuaria
O rexedor contou que “outro tema que era importante, e que foi a iniciativa do BNG, foi unha moción para a creación da autoridade portuaria de San Cibrao que se ven demandando desde fai moito tempo. A verdade é que se votou por unanimidade porque todo o mundo, sobre todo os que somos da comarca da Mariña, temos que recoñecer que debemos ter xa unha autoridade portuaria na comarca. Parece imposible que Lugo sexa a única provincia que ten mar e que non teña unha autoridade portuaria. Reclámase por moitas razóns, una delas é que se conte con nós como unha provincia con costa e que ten uns peiraos e uns portos importantes na nosa comarca. Evidentemente, si se recupera a autoridade portuaria para poder aproveitala, tanto na xestión como na cuestión económica, sería moi importante para a comarca da Mariña. Hai que ter en conta que tamén ten unhas posibilidades enormes para o crecemento e o desenvolvemento económico. Pódese pensar xa en traer e levar mercadorías, e incluso poden vir barcos turísticos. Penso que se pode dar unha dimensión que realmente se ven reclamando desde hai moito tempo. Eu xa teño participado en reunións coa FEMP e coa Cámara de Comercio nas que sempre se reclamaban temas como os que se recollen nesta moción, que é darlle importancia ao que temos e ser nosoutros quen xestionemos ese porto. Pensamos que isto é algo bo para Burela e para A Mariña, e canto antes se faga mellor”.
Llano engadiu que “tamén estivemos estudando outras posibilidades de alternativas ás rutas de sendeirismo que temos en Burela. Teño que dicir que se está preparando unha zona que abarca Pomeda, Vilar e Vila do Medio, onde hai unha fervenza extraordinaria que se pode apreciar desde alí. Queremos con esta nova ruta darlle unha alternativa á ruta circular coa que contamos. Aproveito para dicir á xente, sexa de Burela ou de fora, que visite esta nova zona, que agora se está preparando e que lles vai encantar”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
