COMUNICADO
O deputado do Partido Popular de Galicia, Jose Manuel Balseiro Orol quere clarexar as seguintes cuestións:
1º Que non participou na reunión convocada pola plataforma sanitaria no día de hoxe por entender que era moito máis importante proceder ao rexistro no Parlamento de Galicia, en Santiago de Compostela, dunha iniciativa oficial a través da que se vén a desmentir as informacións difundidas por esta plataforma sobre o futuro da área sanitaria e subliñar a total autonomía e poder de decisión da súa xerencia que terá encomendada a xestión dos recursos económicos, persoal, subministros, prestacións e programas do Hospital da Costa e dos centros de saúde da nosa comarca.
2º Que o Partido Popular e os seus representantes entenden inapropiado e incoherente participar nos actos convocados desde a plataforma sanitaria dado que nin poden convencernos os falsos argumentos que están a dar desde este colectivo, nin compartimos as alarmas que ao respecto do futuro do sistema público de saúde pretenden xerar inxustamente na sociedade.
3º Que desde o Partido Popular, como forza política maioritaria na Mariña lucense, circunstancia obtida grazas á confianza que en nós depositan as veciñas e veciños, quere reiterar o compromiso persoal e político de cada un dos seus cargos públicos para potenciar e seguir mellorando os servizos existentes no Hospital de da Costa e no conxunto dos centros de saúde, á vez que lamentamos a manipulación que desde organizacións instrumentalizadas por PSOE e BNG se está a realizar nun asunto tan serio como o que afecta á saúde das persoas.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
