Lugo, 22 de abril de 2021. O PP ve con absoluta claridade que o que o goberno da Deputación denomina como Plan de Impulso da Economía da Provincia só é fume, porque non é máis que un envoltorio no que mete programas e axudas que xa existen dende anos anteriores. É un plan que só é fume, propaganda e autobombo do goberno provincial e por iso os populares presentaron un escrito de queixa á Valedora do Pobo. O portavoz provincial do PP, Javier Castiñeira, sinala: “O Plan Impulsa Lugo é un plan que responde única e exclusivamente a un complexo do goberno da Deputación de Lugo por non ter apoiado, no ano 2020 e no que vai do 2021, con axudas directas ao tecido económico lucense; esas axudas eran as que pedía o PP e ás que o goberno provincial se negou dúas veces; negouse a poñer unha partida de catro millóns de euros para axudar directamente a todas as empresas que o están pasando mal, a axudar como está a facer a Xunta”.
Castiñeira di que o grupo popular demostrará que é un plan só de autobombo do goberno provincial. Sinala: “Nese plan din que van poñer sete millóns de euros, nos que inclúen accións que todo o mundo xa coñece, que levan anos en servizo, antes da pandemia debida á covid-19: as viaxes en catamaráns, que inventou o mesmo Francisco Cacharro, ou o Lugo Termal, que tamén leva anos en funcionamento; e que dicir das subvencións a asociacións e agrupacións, sexan de índole económica ou social, incluídas no Plan de Subvencións de cada ano”.
Para os populares, “isto é un engano absoluto e vaise demostrar no próximo pleno”. Na orde do día do pleno figura unha modificación de crédito, por 4,1 millóns de euros. O PP quere saber -di Castiñeira- “para que son concretamente; así o preguntamos na reunión celebrada hoxe pola comisión e ninguén dá resposta clara de que esa cantidade vaia directamente aos empresarios e as persoas que o necesiten; ao contrario, entendemos que isto vai ir como sempre dende que José Tomé preside a Deputación, para convenios directos a alcaldes e concellos amigos”. O portavoz popular di que “son diferentes partidas que, como o ano pasado, acabarán redundando en convenios de Presidencia, que elixe o propio señor Tomé, algo co que non está de acordo o PP, porque entende que eses cartos deberían ir directamente aos empresarios e, se se van repartir entre os concellos, teríanse que seguir criterios obxectivos”.
Castiñeira insiste en que este plan “é un engano do goberno provincial, absolutamente acomplexado nesta situación covid, que usa as pemes e autónomos que o están a pasar mal cun plan cheo de propaganda pero sen feitos o que vai acabar prexudicando á nosa provincia, que a día de hoxe depende unicamente das axudas directas da Xunta”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
