Burela, 10 de maio de 2021. O alcalde, Alfredo Llano, e o xerente da Fundación Expomar, José Manuel González, mantiveron esta mañá en Santiago unha xuntanza coa directora xeral de Pesca, Mercedes Rodríguez, para falar das Xornadas Técnicas e do Encontro Empresarial que se celebrarán os días 20 e 21 de maio de xeito telemático.
O rexedor burelés explicou que “nos desprazamos ata Santiago, tanto o xerente de Expomar como eu, para falar con Mercedes Rodríguez, que é a directora xeral de Pesca, e confirmar a nosa boa colaboración que existe en todo aquilo relacionado co sector náutico pesqueiro. Sempre que imos somos moi ben atendidos e realmente temos o mesmo obxectivo que non é outro máis que favorecer en todo o posible ao sector náutico pesqueiro”.
Alfredo Llano contou que “hoxe estivemos falando de Expomar, da anulación da Feira Exposición, que non poder celebrala este ano ven significar que ata dentro de dous anos no poderemos facelo porque queremos respectar sempre as outras feiras que están previstas para o ano que ven. É certo que crea un pouco de malestar porque tíñamos xa pensado como podía ser esta edición, que pensamos ía ser moi boa”.
O alcalde dixo que “temos que seguir avanzando, polo tanto a semana que ven, o día 20, imos ter as Xornadas Técnicas Expomar, onde ven un bo plantel para debater o máximo posible sobre aquelas cuestións que están pasando agora no sector e marcar a preocupación que hai. Polo tanto as Xornadas Técnicas son importantes este ano. Queremos que teñan a capacidade de chegar a moitos sitios e a oportunidade de moita xente de poder participar ben visionando a cita ou formulando preguntas que poden ser moi interesantes. O día 21 temos o Encontro Empresarial, que queremos que haxa boa participación e que se obteñan unhas conclusións que son sempre moi realistas e unha referencia cara ao sector náutico pesqueiro. Este ano hai moitos temas que preocupan e, polo tanto, pensamos que esta cita vai ser decisiva”.
Llano engadiu que “estivemos falando ademais de actividades que queremos organizar, ao longo deste ano e do que ven, que teñan que ver co sector para a promoción do peixe, da profesión e de todo este sector que é tan fundamental tanto para A Mariña como para Galicia”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
