Burela, 11 de maio, 2021. Bo punto de partida para o Pescados Rubén Burela no seu maratón, aínda que con certo sabor agridoce. O conxunto de Sito Rivera estreou a recta de 7 finais cun trepidante 6-6 ante a grandiosidade de todo un histórico, ElPozo Murcia Costa Cálida. Nunha cita moi equilibrada e de alternancias no electrónico, os laranxas dispuxeron de vantaxe de dous goles en dúas ocasións; con 6-4 os visitantes rescataron o empate no últimos catro minutos avalados polo xogo de cinco.
Sen amedrentarse, o Pescados Rubén Burela FS recibiu o poderoso ElPozo Murcia FS disposto a todo. Aproveitaron os de Sito Rivera un mal entendemento nas filas visitantes para poñerse por diante no electrónico xa no minuto 5 con Quintela. A punto estivo de ver o segundo Renato no 6, cunha perna maxistral de Antonio Navarro. Tocoulle entón aplicarse a Edu; o de Narón mantívose perfecto nas chegadas visitantes. A Bancada Laranxa a punto estivo de celebrar o segundo antes do ecuador do primeiro acto, cun pase de Álex Diz que non puido rematar Iago Míguez ao segundo pau. O que non aproveitou o conxunto mariñán si o fixo o de Giustozzi, que conseguiu igualar a contenda con Rafa López ao segundo pau no 11 e poñerse por diante tan só dous minutos despois, con Pol Pacheco no rexeite dunha tentativa á contra. Tras a ameaza de Cholo Salas contra o pau, a efectividade caeu ao lado burelista, parar devolver o dominio no luminoso, con dobre diana entre os minutos 14 e 16 e denominación de orixe de Xoias Laranxas, primeiro coa recuperación de Renato e máis tarde co golazo de Pitero tras a perda visitante fronte a Lucho e o pase de Giasson. Con 48 segundos para o descanso e despois dun novo aviso de Cholo Salas, ElPozo puido marcharse aos vestiarios con 3-3, de Marcel, ao segundo pau desde Felipe Valerio.
Regresou ElPozo forte buscando a rede de Edu, pero foi o Pescados Rubén o que sacou rédito subindo o 4-3 no minuto 22, con Renato desde saque de banda, apoiado en Matamoros. Iago Míguez deulle ás aos mariñáns no 26, culminando ao segundo pau a transición conducida por Quintela, a pase de Álex Diz. Cunha boa presión, os burelistas mantiveron baixo control aos murcianos, pero Paradynski conseguiu reducir rozando o 30 de xogo, finalizando un rexeite desde saque de banda. Con todo, aí estaba a complicidade entre Matamoros e Renato para ampliar distancias co selo de hattrick do 12 burelista, no 33. Respondeu ElPozo con xogo de cinco; Pol Pacheco conseguiu reducir de novo no 36, quedando só no segundo pau na entrada de Kaluza para que Edu puidese ser atendido tras unha parada coa cara. A un e medio da bucina, Darío Gil subiu a igualada na súa aposta por porteiro xogador.
Ficha técnica
Pescados Rubén Burela FS: Edu, Lucho, Pitero, Javi Rodríguez, Giasson, cinco inicial; tamén xogaron David Pazos, Matamoros, Renato, Quintela, Álex Diz, Iago Míguez, M. Kaluza
ElPozo Murcia Costa Cálida FS: Antonio Navarro, Rafa Santos, Fernando, Darío Gil, Paradynski, cinco inicial; tamén xogaron Cholo Salas, Felipe Valerio, Marcel, Pol Pacheco, Matteus, Ismael López
Goles: 1-0, minuto 5, Quintela; 1-1, minuto 11, Rafa Santos; 1-2, minuto 13, Pol Pacheco; 2-2, minuto 14, Renato; 3-2, minuto 16, Pitero; 3-3, minuto 20, Marcel; 4-3, minuto 22, Renato; 5-3, minuto 26, Iago Míguez; 5-4, minuto 30 Paradynski; 6-4, minuto 33, Renato; 6-5, minuto 36, Pol Pacheco; 6-6, minuto 39, Darío Gil
Árbitros: Gallo Suárez // Hevia Campa. Por Burela amarela a Renato (minuto 13), David Pazos (minuto 18), Quintela (minuto 32). Por ElPozo amarela para Fernando (minuto 3), Rafa Santos (minuto 23), Marcel (minuto 27), Felipe Valerio (minuto 39)
Incidencias: Partido correspondente á xornada 27 de Primeira División Masculina disputado en Vista Alegre.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
