Viveiro, 14 de maio de 2021. O Concello de Viveiro recorda aos vecinos e veciñas propietarios de parcelas na rede de faixas de xestión de biomasa, que teñen a obriga de realizar as tarefas de mantemento en materia de prevención de incendios antes do 31 de maio. Entre estes traballos inclúense a retirada de especies arbóreas prohibidas nestas zonas e a xestión da biomasa vexetal. Esta obriga recóllese na Lei de Prevención e Defensa contra os incendios forestais en Galicia.
A medida afecta ás parcelas existentes no ámbito das redes de faixas de xestión de biomasa, é decir, na franxa de 50 metros perimetral ao solo urbano, de núcleo rural e urbanizable, así como ao redor de edificacións e vivendas illadas, urbanizacións, depósitos de lixo, cámpings, gasolineiras, parques e instalacións industriais e construcións illadas en solo rústico.
Nesta obriga inclúese a retirada de especies arbóreas, na devandita franxa de 50 metros, onde non poderá haber piñeiros, eucaliptos nin acacias. Os propietarios deberán proceder a xestionar a biomasa vexetal antes do remate do mes de maio do ano en curso, é dicir, a executar os traballos comunmente coñecidos como labores de “tala e roza”.
Malia que o propietario é o responsable primeiro de xestionar a biomasa nos seus terreos no periodo voluntario, o Concello de Viveiro, na súa obriga de vixiar e impoñer o cumprimento forzoso, tramita anualmente entorno a un centenar de expedientes por incumprimento destas orbgiacións. Aproximadamente 30 casos rematan coa execución subsidiaria por parte do Concello de Viveiro por ter “propietarios descoñecidos”.
A superficie de leiras xestionadas polo Concello de Viveiro, ben pola execución subsidiaria ou ben executadas polos propietarios tras o requerimiento preceptivo, supuxeron en 2020 113.960m², supoñendo un incremento sobre os 96.058 m² do ano anterior.
Para aqueles vecinos/as que teñan dúbidas sobre se as súas parcelas se atopan incluidas nestas faixas, poderán consultar dita información nas dependencias municipais, do departamento de Urbanismo e na páxina web do Concello: https://viveiro.sedelectronica.es/transparency/, no apartado 7.2, onde consta o Plan Municipal de Incendios de Viveiro.
Unha vez remate o mes de maio, procederase á comprobación da execución dos traballos por parte do Servizo de Vixilancia Urbanística e Medio Ambiente do Concello de Viveiro. No caso das persoas que incumpran a súa obriga, o Concello de Viveiro procederá a facer a comunicación legalmente establecida, concedéndolle para executar as obrigas de xeito voluntario un prazo máximo de 15 días naturais, a partir da recepción da comunicación.
De persistir o incumprimento unha vez esgotado o prazo, procederase á execución subsidiaria dos traballos por parte do Concello de Viveiro, repercutindo no propietario/a os custes da intervención. Ademais, o goberno local recorda que nestes casos nos que as obrigas non sexan atendidas polos propietarios/as en prazo, a lei correspondente prevé sancións de ata 1.001 euros, puidendo chegar ata os 100.000 euros en supostos de gravidade. A isto súmase unha posible responsabilidade civil ou penal dos propietarios incumplidores en caso de danos.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
