NOTA DE PRENSA
Nin o Partido Popular de Galicia nin o de Viveiro “ten nada en contra” dos particulares e empresas que adquiriron estas licenzas “bastante desgracia teñen” despois de que o Concello de Viveiro os “houbera enganado” despois de outorgárllelas con informes xurídicos e urbanísticos na súa contra
BALSEIRO SUBLIÑA A PLENA DISPOÑIBILIDADE E COLABORACIÓN DA XUNTA COA INVESTIGACIÓN SOBRE AS PRESUNTAS IRREGULARIDADES URBANÍSTICAS NAS QUE PODERÍA TER INCORRIDO O CONCELLO DE VIVEIRO
* A situación contrasta co comportamento da administración durante a pasada lexislatura, cando o bipartito coa súa inactividade amparou estes comportamentos tan cuestionables.
Santiago, 10 de xuño de 2010.- O deputado autonómico do Partido Popular Jose Manuel Balseiro Orol interesouse no día de hoxe na Comisión de Política Territorial do Parlamento polas once licenzas urbanísticas outorgadas polo Goberno municipal de Viveiro, que preside o socialista Melchor Roel, e que están a ser obxecto de investigación polo Xulgado de Instrucción número 2 de Viveiro.
Balseiro Orol subliñou a satisfacción do seu Grupo Parlamentario despois de coñecer que agora a Axencia de Protección da Legalidade Urbanística esta en permanente contacto coa Xustiza e ofrece a súa total colaboración. De feito a propia Secretaría Xeral, Encarnación Rivas, deu conta dos distintos contactos mantidos entre o xulgado e a axencia de control e vixilancia urbanística da Xunta que quixo poñerse ao servizo do tribunal “tendo en conta de que falamos duns expedientes moi amplos e de gran complexidade técnica”. A situación actual contrasta –sinalou Balseiro- co acontecido durante a pasada lexislatura onde, a pesar das reiteradas denuncias sobre a situación destas licenzas “non se fixo practicamente nada. Podemos afirmar incluso que o bipartito amparou coa súa inactividade estas prácticas. Todo iso a pesar de que polo menos seis delas están no punto de mira da Fiscalía e da Policía Xudicial”
Subliñando o feito de que “hai que esperar ao pronunciamento da Xustiza, e que non é a intención dos populares efectuar xuizos paralelos, nin prexulgar os resultados da investigación”, si deixaron claro, “que canto menos non é moi axeitado actuar como o fixo a Xunta de Goberno Local de Viveiro, outorgando licenzas con informes xurídicos e técnicos en contra e pola vía do silenzo administrativo”.
Balseiro tamén quixo clarexar que “nin o Partido Popular de Galicia nin o de Viveiro “ten nada en contra” dos particulares e empresas que adquiriron estas licenzas “bastante desgracia teñen” despois de que o Concello de Viveiro os “houbera enganado” tras outorgárllelas con informes xurídicos e urbanísticos na súa contra.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
