Burela, 30 de maio, 2021. O traballo e esforzo do Pescados Rubén Burela FS non obtivo esta tarde a súa recompensa a pesar de merecelo. Aos de Sito Rivera sobráronlles 11 segundos para garantir a súa permanencia na elite, co empate de Lolo 4-4 nunha recta final frenética. Con 38 puntos e a 15ª praza, agora toca pensar no play out.
Saltou á Bomboneira o equipo de Vadillo con moito perigo e atopou premio xa no minuto 3, en estratexia con Diego Nunes. Souberon ir gañando posesión e dominio os de Sito Rivera aos poucos. A primeira clara chegou no 6 con Giasson aínda que se foi demasiado alta. No 12, Barrón evitou a mellor ata o momento dos galegos, cunha recuperación de Javi Rodríguez que lle serviu a Pazos. O meta insular salvou ao seu equipo no 13, ante a Xoia canaria, e no 16, cun pase de Giasson que non puido culminar Lucho. Pescados Rubén Burela FS tentou atopar o merecido empate tamén con xogo de cinco, liderado por Renato, sen éxito.
Volveu moi enchufado o conxunto laranxa gañando en perigo. O toque de Xoia Laranxa, o de Renato, puxo o empate no minuto 24 cazando o rexeite dun disparo seco fulminante de Giasson. A partir de aí o equipo mariñán só foi a máis e por fin chegou o segundo con nova denominación de orixe laranxa, con recuperación de Giasson finalizada por Iago Míguez (minuto 32). Respondeu Vadillo con xogo de cinco. Tivo o terceiro Lucho no 35 pero salvouna Raúl Campos. Iago Míguez fixo estalar a Bancada Laranxa a porta baleira no 36 aínda que Vilela devolveu as táboas en tan só uns segundos, en superioridade. O Pescados Rubén non estaba disposto a ceder e Javi Rodríguez subiu o cuarto de cabeza a falta de dous minutos. Acariñou a vitoria o Burela pero Lolo a falta de tan só 11 segundos desfixo a maxia.
Ficha técnica
Pescados Rubén Burela FS: Edu, Matamoros, Renato, David Pazo, Quintela, cinco inicial; tamén xogaron Giasson, Javi Rodríguez, Iago Míguez, Álex Diz, Lucho, Pitero
Palma Futsal: Barrón, Lolo, Higor, Tomaz, Nunes, cinco inicial; tamén xogaron Vilela, Raúl Campos, Cléber, Rafa López, Hamza, Marlon, Claudino
Goles: 0-1, minuto 3, Diego Nunes; 1-1, minuto 24, Renato; 2-1, minuto 32, Iago Míguez; 3-1, minuto, 36, Iago Míguez; 3-2, minuto 37, Vilela; 3-3, minuto 37, Vilela; 4-3, minuto 38, Javi Rodríguez; 4-4, minuto 40, Lolo
Árbitros: Sánchez Llorente // Toca Campa. Por Burela amarela a Matamoros (minuto 10), David Pazos (minuto 12), Edu (minuto 33), Javi Rodríguez (minuto 37), Diz (minuto 39)
Incidencias: Partido correspondente á xornada 34 de Primeira División Masculina disputado en Vista Alegre.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
