Lugo, 2 de xuño de 2021. Os deputados do Grupo Popular, Ramón Carballo e José Manuel Balseiro veñen de interesarse a través dunha iniciativa no Parlamento galego polos beneficios potenciais que para a xuventude lucense suporá a extensión da gratuidade no transporte público autonómico.
Desde o pasado 21 de maio, os menores de 21 anos poden viaxar gratis por toda a provincia e polo resto de Galicia no autobús da Xunta mediante a tarxeta ‘Xente Nova’. Un dispositivo que a xuventude poderá solicitar de balde, xa que se expide sen cargo algún en calquera das oficinas de Abanca, sen necesidade de ter unha conta asociada á entidade bancaria.
Os parlamentarios gabaron a iniciativa do Goberno galego que facilita a mobilidade dos mozos pola comunidade sempre e cando o autobús pertenza á rede de transporte público da Xunta. Agardan que a iniciativa sirva de exemplo e poda estenderse noutras liñas de transporte por autobús dependente doutras administracións, como é o caso da municipal.
Na páxina web www.bus.gal pode ampliarse a información relativa a este dispositivo e as vantaxes que leva asociadas, así como a listaxe de todas as sucursais habilitadas para a súa expedición (26 na nosa provincia) e os servizos de transporte existentes en cada concello, cos correspondentes horarios e roteiros.
O funcionamento da tarxeta é moi sinxelo
Para empezar a empregar a ‘Tarxeta Xente Nova’ fai falta cargar a tarxeta cun saldo inicial co que se abonarán as viaxes e posteriormente será reintegrado no dispositivo. A tarxeta permite realizar cada mes ata 60 viaxes interurbanas gratuítas. A súa recarga pode efectuarse nos caixeiros de Abanca ou nas oficinas habilitadas para expedila e tamén de maneira telemática mediante a banca móbil ou electrónica da citada entidade.
Os deputados sinalaron tamén que a Consellería de Infraestruturas e Mobilidade está a traballar actualmente para que os usuarios poidan levar esta tarxeta directamente no móbil e facer as recargas sen necesidade dun caixeiro.
Aforro familiar e mobilidade máis sostible e limpa
Carballo e Balseiro din que esta iniciativa do Goberno galego, enmarcada no Plan de Transporte Público de Galicia, ten como obxectivos contribuír á economía das familias e facilitar o acceso dos mozos a servizos básicos como a educación, especialmente a non obrigatoria (que, ata o momento, non tiña acceso a servizos de transporte gratuíto), á vez que se fomenta o uso do transporte público e, por tanto, unha mobilidade máis sostible e limpa entre os máis novos.
“Con esta iniciativa conseguimos que ese diñeiro que os mozos destinaban ao transporte poida dirixirse a outros fins, co correspondente alivio da economía familiar. Ademais, fomenta as relacións e a conexión entre as zonas máis rurais ou afastadas das urbes e as grandes cidades”, sinalaron.
Outros descontos
Para a rede de transporte público da Xunta, inclúe tamén outras alternativas beneficiosas con descontos e políticas de prezos máis económicos, con independencia da idade, de tal xeito que todos os usuarios poden ter acceso a elas. Así, existen bonos mensuais con descontos no prezo, tarifas zonais especiais, bonificacións por recorrencia ou mesmo desprazamentos gratuítos en transbordos dentro dun período de tempo establecido.
Na provincia de Lugo xa gozaban destes beneficios os concellos da contorna da cidade de Lugo integrados na área de transporte metropolitano, a través do uso da tarxeta TMG. Neste caso falamos dos autobuses interurbanos: Baleira, Lugo, Friol, Outeiro de Rei, Rábade, Guntín, Castroverde, O Corgo e Castro de Rei.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
